Connect with us

മലര്‍ മിസും ജോര്‍ജും വീണ്ടും തിയേറ്ററുകളിലേയ്ക്ക്; ചിത്രം ഫെബ്രുവരിയിലെത്തും!

Malayalam

മലര്‍ മിസും ജോര്‍ജും വീണ്ടും തിയേറ്ററുകളിലേയ്ക്ക്; ചിത്രം ഫെബ്രുവരിയിലെത്തും!

മലര്‍ മിസും ജോര്‍ജും വീണ്ടും തിയേറ്ററുകളിലേയ്ക്ക്; ചിത്രം ഫെബ്രുവരിയിലെത്തും!

അല്‍ഫോണ്‍സ് പുത്രന്റെ സംവിധാനമികവില്‍ നിവില്‍ പോളി പ്രധാനവേഷത്തിലെത്തി തരംഗം സൃഷ്ടിച്ച ചിത്രമായിരുന്നു പ്രേമം. 2015ലായിരുന്നു ചിത്രം തിയേറ്ററുകളിലെത്തിയത്. തമിഴ്‌നാട്ടിലും ചിത്രത്തിന് വന്‍സ്വീകാര്യതയാണ് ലഭിച്ചത്. പ്രേമവും അതിലെ ഗാനങ്ങളും പ്രേക്ഷകര്‍ ഏറെ നെഞ്ചേറ്റിയിരുന്നു.

ഇപ്പോഴിതാ ചിത്രം റീ റിലീസിന് ഒരുങ്ങുന്നുവെന്നാണ് റിപ്പോര്‍ട്ടുകള്‍. തമിഴ്‌നാട്ടില്‍ ആണ് റിലീസ് ചെയ്യുന്നതെന്നും വിവരമുണ്ട്. ചിത്രം ഫെബ്രുവരിയില്‍ തിയറ്ററുകളില്‍ എത്തും. കണക്കുകള്‍ പ്രകാരം 200 ദിവസം ആണ് ചിത്രം തമിഴ്‌നാട്ടില്‍ ഓടിയത്. അതുകൊണ്ട് തന്നെ ഈ വാലന്റൈന്‍ മാസത്തില്‍ വീണ്ടും പ്രേമം എത്തുമ്പോള്‍ ആഘോഷമാക്കാന്‍ ഒരുങ്ങുകയാണ് തമിഴകം.

ചിത്രത്തില്‍ സായ് പല്ലവി, അനുപമ പരമേശ്വരന്‍, മഡോണ സെബാസ്റ്റ്യന്‍ എന്നിവരാണ് നായികമാരായി എത്തിയത്. നിവിന്‍ പോളി അവതരിപ്പിച്ച ജോര്‍ജ് എന്ന കഥാപാത്രത്തിന്റെ മൂന്ന് കാലഘട്ടവും പ്രണയവുമാണ് ചിത്രം പറഞ്ഞത്. അല്‍ഫോണ്‍സ് പുത്രന്‍ എന്ന സംവിധായകനെ മലയാളികള്‍ നെഞ്ചേറ്റിയ സിനിമകളില്‍ ഒന്നും ഇത് തന്നെ.

എട്ട് വര്‍ഷത്തിന് മുന്‍പ് പ്രേമം റിലീസ് ചെയ്തതിന് പിന്നാലെ വലിയൊരു ട്രെന്റ് തന്നെ കേരളക്കരയില്‍ നടന്നിരുന്നു. സായ് പല്ലവിയുടെ മുഖക്കുരുവും അനുപമയുടെ സൈഡിലേക്കിട്ട ചുരുണ്ട മുടിയു ജോര്‍ജിന്റെ കറുത്ത ഷര്‍ട്ടും വെള്ള മുണ്ടും വന്‍ ട്രെന്റ് ആണ് കേരളത്തില്‍ ഉണ്ടാക്കിയത്. പ്രത്യേകിച്ച് കോളേജുകളില്‍.

കൃഷണ ശങ്കര്‍, വിനയ് ഫോര്‍ട്ട്, സിജു വില്‍സണ്‍, ശബരി, സൗബിന്‍ ഷാഹിര്‍, രഞ്ജി പണിക്കര്‍ തുടങ്ങിയ താരങ്ങള്‍ അണിനിരന്ന ചിത്രം 50 കോടി ക്ലബ്ബില്‍ ഇടംപിടിച്ചിരുന്നു. 70 കോടിയ്ക്ക് മേലാണ് പ്രേമത്തിന്റെ ഫൈനല്‍ കളക്ഷന്‍ എന്നാണ് അനൗദ്യോഗിക വിവരം.

More in Malayalam

Trending