പദ്മനാഭനെ മനസിൽ ധ്യാനിച്ച് ഇറങ്ങിക്കോ , തകർക്കും ! – സസ്‌പെൻസും ത്രില്ലറും നിറച്ച് പട്ടാഭിരാമൻ ട്രെയ്‌ലർ !

ആഗസ്റ്റ് 23 നു തിയേറ്ററുകളിൽ എത്താൻ ഒരുങ്ങുകയാണ് ജയറാം നായകനാകുന്ന പട്ടാഭിരാമൻ . കണ്ണൻ താമരക്കുളം ഒരുക്കുന്ന ചിത്രത്തിന്റെ ട്രെയ്‌ലർ ഇപ്പോൾ പുറത്തെത്തി . സസ്പെൻസ് നിറഞ്ഞ ത്രില്ലെർ സ്വഭാവമുള്ള ട്രെയ്‌ലർ ആണിപ്പോൾ പുറത്ത് വന്നിരിക്കുന്നത്.

ഭാര്യയുടെ കൊലപാതകവുമായി ബന്ധപ്പെട്ടു പട്ടാഭിരാമൻ അറസ്റ്റിലാകുകയാണ് . പിന്നീട് നടക്കുന്ന സംഭവങ്ങളും നിർണായക രംഗങ്ങളുമൊക്കെ നിറഞ്ഞതാണ് ട്രെയ്‌ലർ .

തിരുവനന്തപുരമാണ് ട്രെയിലറിൽ നിറയുന്നത്. പത്മനാഭസ്വാമി ക്ഷേത്രവും , ജനറൽ ഹോസ്പിറ്റലും തുടങ്ങി തിരുവനന്തപുരത്തെ പ്രധാന സ്ഥലങ്ങളെല്ലാം ട്രെയ്‌ലറിലുണ്ട്. ജയറാമിനൊപ്പം ഷീലു എബ്രഹാം , മാധുരി , മിയ , ജനാർദ്ദനൻ , ബിജു , തുടങ്ങി ഒട്ടേറെ താരങ്ങൾ അണിനിരക്കുന്നുണ്ട്.

അബാം പ്രൊഡക്ഷൻസിന്റെ ബാനറിൽ എബ്രഹാം മാത്യു ആണ് ചിത്രം നിർമിച്ചിരിക്കുന്നത് . ദിനേശ് പള്ളത്തിന്റെ തിരക്കഥയിൽ ഒരുക്കിയ ചിത്രത്തിന് സംഗീതം നിർവഹിച്ചിരിക്കുന്നത് എം ജയചന്ദ്രൻ ആണ് .

കണ്ണന്‍ താമരക്കുളവും, ദിനേശ് പള്ളത്തും ഒത്തുചേരുന്ന മൂന്നാമത്തെ ചിത്രമാണ് പട്ടാഭിരാമന്‍. കൈതപ്രവും മുരുകന്‍ കാട്ടാക്കടയും ഒരുക്കിയ ഗാനങ്ങള്‍ക്ക് എം.ജയചന്ദ്രനാണ് ഈണം പകര്‍ന്നത്.

pattabhiraman trailer released