പാർവതി നായർ വിവാഹിതയാകുന്നു

നടി പാർവതി നായർ വിവാഹിതയാകുന്നു. വിവാഹ നിശ്ചയം കഴിഞ്ഞ ചിത്രങ്ങൾ പങ്കുവെച്ച് നടി തന്നെയാണ് വിവാഹിതയാകുന്നുവെന്നുള്ള കാര്യം അറിയിച്ചത്. ഹൈദരാബാദ് സ്വദേശിയും ബിസിനസുകാരനുമായ ആശ്രിതാണ് ഭാവി വരൻ. ഫെബ്രുവരി ആറിനാണ് വിവാ​​ഹം. ചെന്നൈയിൽ വെച്ച് നടക്കുന്ന വിവാഹം തമിഴ്-തെലുങ്ക് രീതിയിലാകും നടക്കുക.

ശേഷം കേരളത്തിൽ ഒരു റിസപ്ഷൻ നടത്തുമെന്നും നടി വ്യക്തമാക്കി. . എന്റെ പ്രണയത്തിനൊപ്പം ജീവിതം മറ്റൊരു ഘട്ടത്തിലേക്ക് കടക്കാൻ പോകുന്നു എന്ന് പറയുന്നതിൽ ഒരുപാട് സന്തോഷമുണ്ടെന്ന് നടി സോഷ്യൽ മീഡിയയിൽ കുറിച്ചു.

ഒരു പാർട്ടിയിൽ വച്ചാണ് ഇരുവരും കാണുന്നതും പരിചയപ്പെടുന്നതും. പിന്നീട് ഡേറ്റിം​ഗ് ആരംഭിക്കുകയുമായിരുന്നുവെന്നുമാണ് നടി പറഞ്ഞത്. മാത്രമല്ല, ആശ്രിതിന് സിനിമ മേഖലയുമായി യാതൊരു ബന്ധവുമില്ലെന്നും പാർവതി പറഞ്ഞു.

അതേസമയം, വികെ.പ്രകാശ് സംവിധാനം ചെയ്ത പോപ്പിൻസാണ് പാർവതിയുടെ ആദ്യ ചിത്രം. കൂടാതെ ജയിംസ് ആൻഡ് ആലീസ്, നീരാളി, ഉത്തമ വില്ലൻ, സീതാക്കത്തി, നിമിർ, ​ഗോട്ട്, യക്ഷി, ഫെയ്ത്ഫുള്ളി യുവേഴ്‌സ്, നീ കൊ ഞാ ചാ എന്ന് തുടങ്ങിയവയാണ് നടിയുടെ ശ്രദ്ധേയ ചിത്രങ്ങൾ.