തമിഴ് കൾച്ചറൽ റിസർച്ച് സെന്ററിന്റെ ആശാൻ – ഭാരതി ദേശീയ സാഹിത്യ പുരസ്‌കാരം രാജീവ്‌ ആലുങ്കലിന്

മഹാകവി കുമാരനാശാൻ്റേയും, സുബ്രഹ്മണ്യ ഭാരതിയുടേയും സ്മരണക്കായി തമിഴ് കൾച്ചറൽ റിസർച്ച് സെന്റർ ഏർപ്പെടുത്തിയ ആശാൻ – ഭാരതി ദേശീയ സാഹിത്യ പുരസ്‌കാരം കവിയും, ഗാനരചയിതാവുമായ രാജീവ്‌ ആലുങ്കലിന്. ഒരു ലക്ഷം രൂപയും പ്രശസ്തിഫലകവും അടങ്ങുന്നതാണ് പുരസ്കാരം.

കഴിഞ്ഞ കാൽനൂറ്റാണ്ട് കാലത്തെ സമഗ്ര സംഭാവനകൾക്കാണ് പുരസ്‌കാരം നൽകുന്നത്. 2022 ആഗസ്റ്റ് 20 ശനിയാഴ്ച രാവിലെ 10.30 ന് തൃക്കാക്കര ഭാരത് മാതാ കോളേജിൽ നടക്കുന്ന ചടങ്ങിൽ പുരസ്കാരം രാജീവ്‌ ആലുങ്കലിന് സമ്മാനിക്കും. കേരള ഹൈക്കോടതി ചീഫ് ജസ്റ്റിസ് എസ് മണികുമാർ ആണ് പുരസ്കാരം സമ്മാനിക്കുക.