Connect with us

മൊബൈലില്‍ വന്ന എസ്എംഎസ് ലിങ്കില്‍ ക്ലിക്ക് ചെയ്തു, പണം നഷ്ടമായെന്ന് അറിയിച്ച് നടി നഗ്മ

News

മൊബൈലില്‍ വന്ന എസ്എംഎസ് ലിങ്കില്‍ ക്ലിക്ക് ചെയ്തു, പണം നഷ്ടമായെന്ന് അറിയിച്ച് നടി നഗ്മ

മൊബൈലില്‍ വന്ന എസ്എംഎസ് ലിങ്കില്‍ ക്ലിക്ക് ചെയ്തു, പണം നഷ്ടമായെന്ന് അറിയിച്ച് നടി നഗ്മ

സൈബര്‍ തട്ടിപ്പിലൂടെ പണം നഷ്ടപ്പെട്ടതായി അറിയിച്ച് നടി നഗ്മ. ഒരു ലക്ഷം രൂപയാണ് താരത്തിന് നഷ്ടമായിരിക്കുന്നത്. മൊബൈലില്‍ വന്ന എസ്എംഎസ് ലിങ്കില്‍ ക്ലിക്ക് ചെയ്തതോടെയാണ് നഗ്മയ്ക്ക് പണം നഷ്ടമായത്. പൊലീസില്‍ പരാതി നല്‍കിയിരിക്കുകയാണ് നഗ്മ ഇപ്പോള്‍.

ബാങ്കുകള്‍ അയക്കുന്നതിന് സമാനമായ സന്ദേശമാണ് തനിക്ക് ലഭിച്ചത് എന്നാണ് നഗ്മ പറയുന്നത്. ലിങ്കില്‍ ക്ലിക്ക് ചെയ്തയുടന്‍ ഒരാള്‍ തന്നെ വിളിച്ചു. കെവൈസി അപ്‌ഡേറ്റ് പൂര്‍ത്തിയാക്കാന്‍ സഹായിക്കാമെന്ന് പറഞ്ഞാണ് ഇയാള്‍ വിളിച്ചത്. എന്നാല്‍ താന്‍ യാതൊരു വിവരങ്ങളും ലിങ്കില്‍ പങ്കുവച്ചില്ല.

തനിക്ക് ഒന്നിലധികം ഒടിപികള്‍ ലഭിച്ചു, ഭാഗ്യവശാല്‍, വലിയ തുക നഷ്ടമായില്ല എന്നാണ് നഗ്മ മാധ്യമങ്ങളോട് പറഞ്ഞത്. നഗ്മയെ കൂടാതെ അവതാരക ശ്വേതാ മേമന്‍ ഉള്‍പ്പടെ 80ഓളം പേരാണ് കഴിഞ്ഞ ഏതാനും ദിവസങ്ങള്‍ക്കിടയില്‍ സൈബര്‍ തട്ടിപ്പിന് ഇരയായത്.

ശ്വേത മേമന്റെ 57,636 രൂപയാണ് നഷ്ടമായത്. ഇവര്‍ പൊലീസില്‍ പരാതി നല്‍കുകയും ചെയ്തിരുന്നു. തന്റെ ഇന്റര്‍നെറ്റ് ബാങ്കിങ് ഐഡിയും പാസ്‌വേര്‍ഡും ഇവര്‍ വെബ്‌സൈറ്റില്‍ കൊടുത്തിരുന്നു. ബാങ്കില്‍ നിന്നാണെന്ന് പറഞ്ഞ് ഫോണ്‍ വരികയും ഒടിപി ചോദിക്കുകയും ചെയ്തു. പിന്നാലെയാണ് പണം നഷ്ടമായത് എന്നാണ് ശ്വേത പറഞ്ഞത്.

More in News

Trending