ന്യൂയോര്‍ക്ക് ഇന്ത്യന്‍ ഫിലിം ഫെസ്റ്റിവലിലെ മികച്ച ചിത്രം സൗദി വെള്ളക്ക

ന്യൂയോർക്ക് ഇന്ത്യൻ ഫിലിം ഫെസ്റ്റിവലിൽ” സൗദി വെള്ളക്ക’ മികച്ച ചിത്രമായി തിരഞ്ഞെടുക്കപ്പെട്ടു. നിരവധി രാജ്യാന്തര മേളകളില്‍ നേരത്തെ തന്നെ ഈ സിനിമ നിരവധി അംഗീകാരങ്ങള്‍ നേടിയിരുന്നു.

ഓപ്പറേഷന്‍ ജാവ’യുടെ വമ്പന്‍ വിജയത്തിനു ശേഷം തരുണ്‍ മൂര്‍ത്തി സംവിധാനം ചെയ്ത ചിത്രം ഉര്‍വശി തിയെറ്റേഴ്‌സിന്റെ ബാനറില്‍ സന്ദീപ് സേനനാണ് നിര്‍മിച്ചത്. ഇന്ത്യന്‍ പനോരമയില്‍ ഇടം ലഭിച്ചതുള്‍പ്പടെ നിരവധി അംഗീകാരങ്ങള്‍ നേടിയാണ് ചിത്രം തിയെറ്ററിലെത്തിയത്. ഗോവ ചലച്ചിത്ര മേളയില്‍ നടന്ന വേള്‍ഡ് പ്രീമിയറിലുംഈ ചിത്രം അംഗീകാരം നേടിയിരുന്നു.

കൊച്ചിക്കടുത്ത് തേവര പാലത്തിനടുത്തുള്ള സൗദി എന്ന സ്ഥലത്തെ തെങ്ങില്‍നിന്നു വീണ ഒരു വെള്ളക്ക കുറേ മനുഷ്യരെ വര്‍ഷങ്ങളോളം കോടതി കയറ്റിയ കഥയാണ് ഈ സിനിമയുടെ പ്രമേയം. യഥാര്‍ഥത്തില്‍ സംഭവിച്ച കാര്യങ്ങളെ ആസ്പദമാക്കിയാണ് തരുണ്‍ ചിത്രം ഒരുക്കിയത്. 35 ഇ്ന്ത്യന്‍ ചിത്രങ്ങളാണ് ഫെസ്റ്റിവലില്‍ ഉണ്ടായിരുന്നത്.