Malayalam
മോഹൻലാലിന് കോട്ടങ്ങളുടെ ഒരു ഘോഷ യാത്ര, അദ്ദേഹത്തിന്റെ ചുറ്റുമുള്ള മുള്ളുവേലികൾ കാരണം പുതു തലമുറ സംവിധായകർക്ക് അദ്ദേഹം ഇന്നും അപ്രാഭ്യാനാണ്; ആലപ്പി അഷ്റഫ്
മോഹൻലാലിന് കോട്ടങ്ങളുടെ ഒരു ഘോഷ യാത്ര, അദ്ദേഹത്തിന്റെ ചുറ്റുമുള്ള മുള്ളുവേലികൾ കാരണം പുതു തലമുറ സംവിധായകർക്ക് അദ്ദേഹം ഇന്നും അപ്രാഭ്യാനാണ്; ആലപ്പി അഷ്റഫ്
പ്രേക്ഷകർക്കേറെ സുപരിചിതനായ വ്യക്തിയാണ് സംവിധായകൻ ആലപ്പി അഷ്റഫ്. തന്റെ യൂട്യൂബ് ചാനലിലൂടെ അദ്ദേഹം പങ്കുവെയ്ക്കാറുള്ള വിശേഷങ്ങളെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്. സിനിമാ താരങ്ങളുടെ ജീവിതവും അറിയാക്കഥകളും അറിയാൻ പ്രേക്ഷകർക്കുമേറെ ഇഷ്ടമാണ്. ഇപ്പോഴിതാ അദ്ദേഹത്തിന്റെ പുതിയ വീഡിയോയിൽ പറഞ്ഞ കാര്യങ്ങളാണ് സോഷ്യൽ മീഡിയയിൽ വൈറലാകുന്നത്.
2024 ൽ മലയാള സിനിമാലോകത്ത് സംഭവിച്ച സംഭവവികാസങ്ങളെക്കുറിച്ചും പ്രിയ താരങ്ങളുടെ വേർപാടുകളെക്കുറിച്ചും പൊതു സമൂഹത്തിന് മുന്നിൽ അപഹാസ്യരായി തലകുനിക്കേണ്ടി വന്ന സിനിമയിലെ ചില സംഭവങ്ങളെ കുറിച്ചുമെല്ലാമാണ് ആലപ്പി അഷ്റഫ് സംസാരിക്കുന്നത്. മലയാള സിനിമ മേഖലയെയും സിനിമ സംഘനകളെയും പ്രകമ്പനംകൊള്ളിച്ചു കൊണ്ട് ഒരു ഇടിത്തീ പോലെ 2024ൽ കടന്നു വന്ന റിപ്പോർട്ടായിരുന്നു ഹേമ കമ്മിറ്റി റിപ്പോർട്ട്.
ആ ഇടിത്തീയുടെ പൊള്ളലേറ്റ ഒരുപറ്റം താരങ്ങൾ പൊലീസ് സ്റ്റേഷനും കോടതിയും കയറി അലയുകയാണ്. സിനിമ മേഖലയിൽ നിന്ന് ഇത്രയധികം ലൈം ഗിക പീഡന കേസുകൾ ഉണ്ടാക്കുന്നത് ചരിത്രത്തിൽ 2024 ൽ തന്നെയാണ്. സിനിമാക്കാർ പൊതു സമൂഹത്തിന് മുന്നിൽ തലകുനിച്ചു നിൽക്കേണ്ടി വന്നതും 2024 തന്നെയാണ്. താര സംഘടനയുടെ തലപ്പത്ത് ഇരുന്നവരെല്ലാം ഒന്നിച്ച് കൂട്ടരാജി വച്ച് പിരിഞ്ഞുപോയതും ഈ 2024 തന്നെയാണ്.
ഡിസംബറിന്റെ അവസാന നാളുകളിൽ രണ്ട് സിനിമ സീരിയൽ നടൻമാർ ചേർന്ന് ഈ വർഷത്തെ പീ ഡന പരമ്പരയുടെ നാളുകൾ വിജയകരമായി വർഷാവസാനം വരെ എത്തിച്ചു കൊടുത്തുവെന്നും പരിഹാസ രൂപേണ ആലപ്പി അഷ്റഫ് പറഞ്ഞു. 2024 മോഹൻലാലിനെ സംബന്ധിച്ച് നേട്ടങ്ങൾ ഒന്നും ഉണ്ടാക്കാൻ പറ്റിയില്ല എന്നുമാത്രമല്ല കോട്ടങ്ങളുടെ ഒരു ഘോഷ യാത്രയുമായിരുന്നു. മോഹൻലാലിന്റെ ചുറ്റുമുള്ള മുള്ളുവേലികൾ കാരണം പുതു തലമുറ സംവിധായകർക്ക് അദ്ദേഹം ഇന്നും അപ്രാഭ്യാനാണ്.
ഇതിന് ഒരു മാറ്റം വന്നില്ല എങ്കിൽ ഇനി മോഹൻലാലിൽ നിന്നും ഒന്നും പ്രതിഷിക്കേണ്ട എന്ന് പൊതു ഞങ്ങളുടെ അടക്കം പറച്ചിൽ ഒരുപക്ഷെ മോഹൻലാൽ അറിഞ്ഞിട്ട് ഉണ്ടാവില്ല. എന്നാൽ മമ്മൂട്ടിയെ സംബന്ധിച്ചിടത്തോളം 2024 നേട്ടങ്ങൾ മാത്രമുണ്ടാക്കിയ ഒരു വർഷം കൂടിയാണ്. അദ്ദേഹം അഭിനയിച്ച ഒട്ടുമിക്ക ചിത്രങ്ങളും വിജയിക്കുകയും കൂടാതെ അവാർഡുകൾ നേടുകയും ചെയ്തു. സുരേഷ് ഗോപിക്കും 2024 നേട്ടങ്ങളുടെ വർഷമാണെന്ന് ആലപ്പി അഷ്റഫ് പറയുന്നു.
മലയാളികൾക്ക് പ്രിയപ്പെട്ട ഒത്തിരി പ്രതിഭകൾ കാലയവനികയ്ക്കുള്ളിൽ മറഞ്ഞ വർഷമാണിതെന്നും ആലപ്പി അഷ്റഫ് പറയുന്നു. കെ ജെ ജോയ്, കനകലത, മോഹൻ രാജ്, മച്ചാട് വാസന്തി, കവിയൂർ പൊന്നമ്മ, ഹരികുമാർ, കോട്ടയം സോമരാജ്, മീന ഗണേഷ്, സുജിത് രാജേന്ദ്രൻ, ടി പി മാധവൻ, എം ടി വാസുദേവൻ നായർ തുടങ്ങിയ പ്രതിഭകളുടെ ഓർമകളും ആലപ്പി അഷ്റഫ് പുതിയ വീഡിയോയിലൂടെ പങ്കുവെച്ചു.
അതേസമയം, മോഹൻലാലിനെ സംബന്ധിച്ച് 2024 എന്ന വർഷം അത്ര നല്ലതായിരുന്നില്ല എന്ന് തന്നെയാണ് ആരാധകരും പറയുന്നത്. വളരെ പ്രതീക്ഷയോടെ തിയേറ്ററുകളിലെത്തിയ ചിത്രങ്ങൾ വരെ പരാജയപ്പെട്ടിരുന്നു. ഇതിനുള്ള കാരണമായി, പുതിയ സംവിധായകരുമായി മോഹൻലാൽ സിനിമ ചെയ്യാത്തതും കരിയറിലെ ഇപ്പോഴത്തെ വീഴ്ചയ്ക്ക് കാരണമാണെന്ന് അഭിപ്രായപ്പെടുന്നവർ ഏറെയാണ്. മറുവശത്ത് മമ്മൂട്ടി നവാഗത സംവിധായകർക്കൊപ്പം ചേർന്ന് ഹിറ്റുകൾ സൃഷ്ടിക്കുന്നതും പ്രേക്ഷകർ ചൂണ്ടിക്കാണിക്കുന്നു.
പുതിയ സംവിധായകർക്കൊപ്പം താൻ സിനിമ ചെയ്യുന്നുണ്ട്. പുതിയ ചിത്രമായ തുടരും പുതിയ സംവിധായകന്റെ സിനിമയാണ്. ആവേശത്തിന്റെ സംവിധായകനൊപ്പം സിനിമ ചെയ്യാൻ പോകുന്നു. ഒരുപാട് കഥകൾ കേൾക്കുന്നുണ്ടെന്നാണ് മോഹൻലാൽ പറഞ്ഞത്. പല സംവിധായകരും എന്നോട് കഥകൾ പറയാൻ വരാറുണ്ട്. എന്നാൽ അവയെല്ലാം മോഹൻലാലിന് വേണ്ടി തയ്യാറാക്കിയ കഥകളാണ്.
തന്റെ പഴയ സിനിമകളെ ഓർമിപ്പിക്കുന്ന തരത്തിലാണ് പല കഥകളും. ഫ്രഷ് ആയിട്ടുള്ള വേഷങ്ങൾ ചെയ്യാനാണ് താത്പര്യം. പുതിയ സംവിധായകർക്കൊപ്പം പ്രവർത്തിക്കാൻ എനിക്ക് ആഗ്രഹമുണ്ട്. ഒരു സിനിമ ചെയ്യുമ്പോൾ അതിൽ എന്തെങ്കിലും പുതുമ വേണമല്ലോ. മുമ്പ് ചെയ്തതുപോലുള്ള വേഷം വീണ്ടും കൊണ്ടുവന്നാൽ പ്രേക്ഷകർക്ക് ബോറടിക്കില്ലേ എന്നുമാണ് മോഹൻലാൽ പറഞ്ഞത്.
