പ്രതീക്ഷകൾ നിറവേറ്റുന്നതിനു പകരം ത​ഗ് ലൈഫ് ആരാധകരെ നിരാശരാക്കി; ക്ഷമ ചോദിച്ച് മണിരത്നം

കമൽ ഹാസനും സംവിധായകൻ മണിരത്നവും 37 വർഷങ്ങൾക്ക് ശേഷം ഒന്നിച്ച ചിത്രമായിരുന്നു ത​ഗ് ലൈഫ്. പാൻ-ഇന്ത്യൻ ആക്ഷൻ ചിത്രമായി പുറത്തെത്തിയ ചിത്രത്തിന് വേണ്ടത്ര പ്രേക്ഷകരെ കയ്യിലെടുക്കാൻ സാധിച്ചില്ല. ഈ വേളയിൽ ആരാധകർ തങ്ങളിൽ അർപ്പിച്ച പ്രതീക്ഷകൾ നിറവേറ്റാൻ കഴിയാത്തതിൽ ക്ഷമ ചോദിക്കുകയാണ് മണിരത്നം.

‘നായകൻ’ എന്ന ചിത്രത്തിന്റെ വിജയത്തിന് ശേഷമുള്ള ഈ കൂട്ടുകെട്ടിനായി ആരാധകർ ആകാംക്ഷയോടെയാണ് കാത്തിരുന്നത്. തമിഴ് സിനിമയുടെ സുവർണ്ണ കാലഘട്ടം ഓർമ്മിക്കുന്ന ആരാധകർ ‘തഗ് ലൈഫ്’ എന്ന ചിത്രത്തിലൂടെ മറ്റൊരു മികച്ച ക്ലാസിക് കാണാൻ ആഗ്രഹിച്ചു. എന്നാൽ പ്രതീക്ഷകൾ നിറവേറ്റുന്നതിനു പകരം ഈ ചിത്രം ആരാധകരെ നിരാശരാക്കി.

വലിയ പ്രതീക്ഷകൾക്കിടയിൽ പുറത്തിറങ്ങിയ ‘തഗ് ലൈഫ്’ എന്ന ചിത്രത്തിന് നിരൂപകരും ആരാധകരും നെഗറ്റീവ് അവലോകനങ്ങൾ നൽകി. കമൽ ഹാസനും മണിരത്നവും അഭിനയിച്ച സിനിമയ്ക്ക് ആവശ്യമായ ആഴവും സ്വാധീനവും ഇല്ലെന്നും വിമർശിക്കപ്പെട്ടു. നായകൻ പോലുള്ള മറ്റൊരു ചിത്രം പ്രതീക്ഷിച്ചിരുന്നവരോട് ഞാൻ ക്ഷമ ചോദിക്കുന്നു.

വീണ്ടും അത്തരമൊരു സിനിമ ചെയ്യാൻ ഞങ്ങൾ ഉദ്ദേശിക്കുന്നില്ല. പുതിയൊരു അനുഭവം നൽകുമെന്ന് ഞങ്ങൾ കരുതി. പക്ഷേ ആരാധകർ പ്രതീക്ഷിച്ചത് മറ്റൊന്നായിരുന്നു. അത് ഒരു തെറ്റിദ്ധാരണയായി മാറി എന്നാണ് മണിരത്‌നം അഭിമുഖത്തിൽ തുറന്ന് പറഞ്ഞത്. അദ്ദേഹത്തിന്റെ വാക്കുകൾ വളരെപ്പെട്ടെന്നാണ് വൈറലായതും.

അതേസമയം, ജൂൺ അഞ്ചിനാണ് ത​ഗ് ലൈഫ് തിയേറ്ററുകളിലെത്തിയത്. . സിലമ്പരശൻ, ജോജു ജോർജ്, തൃഷ, അഭിരാമി, ഐശ്വര്യ ലക്ഷ്മി, നാസർ, അശോക് സെൽവൻ, അലി ഫസൽ, പങ്കജ് ത്രിപാഠി, ജിഷു സെൻഗുപ്‍ത, സാന്യ മൽഹോത്ര, രോഹിത് ഷറഫ്, വൈയാപുരി തുടങ്ങിയവർ സിനിമയിലെ മറ്റു കഥാപാത്രങ്ങളെ അവതരിപ്പിക്കുന്നു.