അപ്പോൾ പോകുവല്ലേ ,കല്യാണം കൂടാൻ ? ക്ലീൻ ‘U’ സർട്ടിഫിക്കറ്റുമായി മാംഗല്യം തന്തുനാനേ സെപ്റ്റംബർ 20 ന് തിയേറ്ററുകളിലേക്ക് !!!

അപ്പോൾ പോകുവല്ലേ ,കല്യാണം കൂടാൻ ? ക്ലീൻ ‘U’ സർട്ടിഫിക്കറ്റുമായി മാംഗല്യം തന്തുനാനേ സെപ്റ്റംബർ 20 ന് തിയേറ്ററുകളിലേക്ക് !!!

സൗമ്യ സദാനന്ദൻ ഒരുക്കുന്ന മാംഗല്യം തന്തുനാനേന തിയേറ്ററിലേക്കെത്താൻ ഒരുങ്ങുകയാണ് . മലയാളികളുടെ പ്രിയ താരം കുഞ്ചാക്കോ ബോബനും നിമിഷ സജയനുമാണ് ചിത്രത്തിൽ നായിക നായകന്മാരായി എത്തുന്നത്. റോയിയുടെയും ക്ലാരയുടെയും മാംഗല്യ വിശേഷങ്ങളുമായി എത്തുന്ന മാംഗല്യം തന്തുനാനേന , സൗമ്യ സദാനന്ദന്റെ ആദ്യ ചിത്രമാണ്.

ശാന്തി കൃഷ്ണ – കുഞ്ചാക്കോ ബോബൻ കൂട്ടുകെട്ട് ഈ സിനിമയുടെ പ്രധാന ആകർഷണമാണ് . സാധാരണ കുടുംബങ്ങളിലെ പോലെ ഭാര്യക്കും അമ്മക്കും നടുവിൽ വലയുന്ന നായകനാണ് കുഞ്ചാക്കോ ചിത്രത്തിൽ. പൊട്ടിച്ചിരിപ്പിച്ച ട്രെയിലറിന് പിന്നാലെ ക്ലീൻ U സർട്ടിഫിക്കറ്റ് നേടിയിരിക്കുകയാണ് മാംഗല്യം തന്തുനാനേന .

ശാന്തി കൃഷ്ണക്ക് പുറമെ അലൻസിയർ , ഹരീഷ് കണാരൻ , വിജയ രാഘവൻ , ലിയോണ ലിഷോയ് തുടങ്ങിയവരും ചിത്രത്തിൽ അണിനിരക്കുന്നു. നല്ലൊരു കുടുംബ ചിത്രമായാണ് മാംഗല്യം തന്തുനാനേന സൗമ്യ അണിയിച്ചൊരുക്കിയിരിക്കുന്നത്.

Mangalyam Thandu Nanena movie got u certificate