വരുന്ന നിയമസഭാ തെരഞ്ഞെടുപ്പില് മുകേഷിനൊപ്പം ധര്മ്മജനും കൂടി വിജയിച്ചാല് നിയമസഭയില് ബഡായി ബംഗ്ലാവ് നടത്താന് പറ്റുമോ എന്ന ചോദ്യത്തിന് രസകരമായ മറുപടി നല്കി മുകേഷ്. ധര്മ്മജന് മാത്രം പോര രമേഷ് പിഷാരടി കൂടി വേണം എന്നാണ് മുകേഷ് പറഞ്ഞത്.
അങ്ങനെയെങ്കില് ബഡായി ബംഗ്ലാവ് നടത്താവുന്നതേയുള്ളുവെന്നും മുകേഷ് പറഞ്ഞു. ഒരു ചാനലിനു നല്കിയ അഭിമുഖത്തിലായിരുന്നു മുകേഷിന്റെ പ്രതികരണം.
എംഎല്എ മണ്ഡലത്തില് ഇല്ലായെന്ന കള്ള പ്രചാരണം അല്ലാതെ കോണ്ഗ്രസിന് മറ്റൊന്നും ഉയര്ത്താന് ഇല്ല. താന് 1300 കോടി രൂപയുടെ വികസനം മണ്ഡലത്തില് നടപ്പിലാക്കിയിട്ടുണ്ട്. ‘കൊല്ലത്ത് ഉറപ്പാണ് മുകേഷ്’ എന്ന് പറയാമെന്നും നടന് കൂട്ടിചേര്ത്തു.
കോണ്ഗ്രസും എല്ഡിഎഫും കൊല്ലത്ത് സ്ഥാനാര്ത്ഥിയെ പ്രഖ്യാപിച്ചിട്ടും ബിജെപി സ്ഥാനാര്ത്ഥിയെ പ്രഖ്യാപിക്കാത്തതില് ദുരൂഹതയുണ്ടെന്ന് മുകേഷ് ആരോപിച്ചു. എന്നാല് താന് അതിനെകുറിച്ചൊന്നും ആലോചിക്കുന്നില്ലെന്ന് നടന് വ്യക്തമാക്കി.
സിനിമ കോൺക്ലേവ് ഓഗസ്റ്റ് ആദ്യവാരം തന്നെ സംഘടിപ്പിക്കുമെന്ന് സർക്കാർ ഹൈക്കോടതിയെ അറിയിച്ചു. തുടർന്ന് രണ്ടുമാസത്തിനകം നിയമനിർമാണം പൂർത്തിയാക്കുമെന്നാണ് വിവരം. ഹേമാ കമ്മിറ്റി...
കുറച്ച് ദിവസങ്ങൾക്ക് മുമ്പായിരുന്നു നടൻ ഷൈൻ ടോം ചാക്കോയ്ക്കും കുടുംബത്തിനും അപകടം പറ്റിയെന്നുള്ള വാർത്തകൾ പുറത്തെത്തുന്നത്. ഇപ്പോഴിതാ ഷൈൻ ടോം ചാക്കോയെ...