‘തന്റെ ശരീരഭാരം കുറച്ചിട്ടേ ഇനി അഭിനയിക്കൂള്ളൂ’; തുറന്ന് പറഞ്ഞ് ജോജു ജോര്‍ജ്

മലയാളികള്‍ക്ക് ഏറെ പ്രിയപ്പെട്ട താരങ്ങളില്‍ ഒരാളാണ് ജോജു ജോര്‍ജ്. ഇപ്പോഴിതാ ഒരു അഭിമുഖത്തില്‍ ജോജു പറഞ്ഞ കാര്യങ്ങളാണ് വൈറലാകുന്നത്. തന്റെ ശരീരഭാരം കുറച്ചിട്ടേ ഇനി അഭിനയിക്കൂള്ളൂ എന്നാണ് താരം പറയുന്നത്.

ജോജുവിന്റേതായ പുറത്തിറങ്ങിയ പുതിയ ചിത്രമാണ് നായാട്ട്’. ഇതില്‍ ജോജു അവതരിപ്പിച്ച മണിയന്‍ എന്ന പൊലീസ് വേഷത്തിന് മികച്ച സ്വീകാര്യതയാണ് ലഭിക്കുന്നത്. ചിത്രത്തില്‍ അഭിനയിക്കുമ്പോള്‍ തനിക്ക് 132 കിലോ ശരീരഭാരം ഉണ്ടായിരുന്നു എന്നാണ് ജോജു പറയുന്നത്.

”തടി കുറയ്ക്കാനുള്ള ശ്രമം തുടങ്ങിയതു കൊണ്ട് ഏറ്റവും ഇഷ്ടമുള്ള ഭക്ഷണം കഴിക്കല്‍ നന്നായി കുറച്ചു. 132 കിലോയില്‍ നിന്ന് 100-105 കിലോയില്‍ ശരീരഭാരം എത്തിക്കാനാണു ശ്രമം. ശരീരഭാരം കുറച്ചിട്ടേ ഇനി മറ്റു മലയാള സിനിമകളില്‍ അഭിനയിക്കുന്നുള്ളൂ” എന്നാണ് ജോജു പറഞ്ഞത്.

അതേസമയം, ലോക്ഡൗണിനിടെ 20 കിലോ ശരീരഭാരം കുറച്ച സന്തോഷം പങ്കുവച്ച് ജോജു എത്തിയിരുന്നു. മാര്‍ച്ച് 10 വയനാട് ആയുര്‍വേദ യോഗ വില്ലയില്‍ എത്തുമ്പോള്‍ 130 ആയിരുന്നു ജോജുവിന്റെ ശരീരഭാരം. അവിടുത്തെ ഡിസിപ്ലിനും ഡയറ്റും കണ്ടപ്പോള്‍ തിരിച്ചു പോകാമെന്ന് കരുതിയപ്പോഴാണ് ലോക്ഡൗണ്‍ പ്രഖ്യാപിക്കുന്നത്. തുടര്‍ന്ന് അവിടെ നില്‍ക്കുകയായിരുന്നു എന്നും താരം പറഞ്ഞിരുന്നു.