Malayalam
സംഗീത സംവിധായകന്‍ പി ജെ ലിപ്സണ് അന്തരിച്ചു
സംഗീത സംവിധായകന്‍ പി ജെ ലിപ്സണ് അന്തരിച്ചു
ക്രിസ്ത്യന്‍ ഭക്തിഗാനങ്ങളിലൂടെ ശ്രദ്ധേയനായ സംഗീത സംവിധായകന്‍ പി ജെ ലിപ്സണ് (65) അന്തരിച്ചു. കണ്ടനാടുള്ള സ്വവസതിയില്‍ വെച്ചായിരുന്നു അന്ത്യം.
ലീപ്സന് ഇന്നലെ രാത്രിയില്‍ ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് ആശുപത്രിയില്‍ എത്തിച്ചു എങ്കിലും ജീവന് രക്ഷിക്കാനായില്ല. സംസ്‌ക്കാരം പാലാരിവട്ടം സെന്റ് ജോണ്‍ ബാപ്റ്റിസ്റ്റ് പള്ളി സെമിത്തേരിയില്‍ നടന്നു.
മലയാളത്തിലും തമിഴിലുമായി നൂറുകണക്കിന് ഗാനങ്ങള്‍ക്ക് സംഗീതമൊരുക്കിയ ലിപ്‌സന്റെ ഗാനങ്ങള്‍ പ്രശസ്തരായ ഒട്ടുമിക്ക ഗായകരും ആലപിച്ചിട്ടുണ്ട്.
ക്രിസ്തീയ ഗാനങ്ങള്‍ക്ക് പുറമെ നിരവധി ലളിതഗാനങ്ങള്‍ക്കും ടെലിവിഷന്‍ പരമ്പരകള്‍ക്കും ടെലിഫിലിമുകള്‍ക്കും സംഗീതമൊരുക്കിയിട്ടുള്ള വ്യക്തിയാണ് ലിപ്സണ്. മാത്രമല്ല, കൊച്ചിന്‍ സിഎ സി യില്‍ സംഗീതാധ്യാപകനായും പ്രവര്‍ത്തിച്ചിട്ടുണ്ട്.
ട്രാവന്‍കൂര്‍ കൊച്ചിന്‍ കെമിക്കല്‍സ് ഉദ്യോഗസ്ഥന്‍ ആയിരുന്ന ലീപ്സന് പത്തു വര്‍ഷങ്ങള്‍ക്കു മുന്‍പുണ്ടായ അസുഖത്തെ തുടര്‍ന്ന് സംഗീത രംഗത്തു സജീവമല്ലായിരുന്നു.ആലീസാണ് ലിപസന്റെ ഭാര്യ.
