Malayalam
പറ്റിപ്പ് നടത്തി ആളാകാനില്ല, തന്റെ പ്രൊഫഷന്‍ സിനിമയാണ്; എന്‍ഡിഎ സ്ഥാനാര്‍ത്ഥി ആയതില്‍ അഭിമാനം
പറ്റിപ്പ് നടത്തി ആളാകാനില്ല, തന്റെ പ്രൊഫഷന്‍ സിനിമയാണ്; എന്‍ഡിഎ സ്ഥാനാര്‍ത്ഥി ആയതില്‍ അഭിമാനം
തിരുവനന്തപുരത്തെ എന്‍ഡിഎ സ്ഥാനാര്‍ത്ഥിയായി മത്സരിക്കുന്നതിനിടെ തന്റെ പ്രൊഫഷന്‍ ആത്യന്തികമായി സിനിമയാണെ് പറഞ്ഞ് നടന് കൃഷ്ണകുമാര്‍. ഒരു അഭിമുഖത്തിലായിരുന്നു കൃഷ്ണകുമാര്‍ ഇതേകുറിച്ച് പറഞ്ഞത്.
എന്‍.ഡി.എയുടെ സ്ഥാനാര്‍ഥിയായതില്‍ വളരെയധികം അഭിമാനമുണ്ട്. എന്നാല്‍ ചിലരെപ്പോലെ രാഷ്ട്രീയം പ്രൊഫഷനാക്കുന്നതിനോട് ഒട്ടും താല്‍പര്യമില്ല. തന്റെ പ്രൊഫഷന്‍ ആത്യന്തികമായി സിനിമയാണ്.
പ്രധാനമന്ത്രിയുള്‍പ്പെടെയുള്ളവരാണ് സ്ഥാനാര്‍ഥിത്വത്തില്‍ അവസാന അംഗീകാരം നല്‍കിയത്. അതൊക്കെ തന്നെ സംബന്ധിച്ചിടത്തോളം വലിയ കാര്യമാണ്.
ജയിച്ച് പോയിട്ട് ഒരു ചുക്കും ചെയ്യാതെ വീണ്ടും അഞ്ചുവര്‍ഷം കഴിഞ്ഞ് തട്ടിപ്പ് പരിപാടികളുമായി എത്തുന്ന രാഷ്ട്രീയ നേതാവാകാന്‍ ജീവിതത്തില്‍ താത്പര്യമില്ലെന്നും കൃഷ്ണകുമാര്‍ വ്യക്തമാക്കി.
പറ്റിപ്പ് നടത്തി ആളാകാനില്ലെന്നും തെരഞ്ഞെടുപ്പില്‍ ജയിച്ചാലും തോറ്റാലും ഇതേസ്റ്റാന്‍ഡില്‍ തന്നെ നില്‍ക്കുമെന്നും അദ്ദേഹം കൂട്ടിച്ചേര്‍ത്തു.
