അമ്മയും കുഞ്ഞും സുഖമായി ഇരിക്കുന്നുവെന്നും ഏവരുടെയും പ്രാര്‍ഥനകള്‍ക്ക് നന്ദി; കാജല്‍ അഗര്‍വാളിനും ഗൗതം കിച്‌ലുവിനും ആണ്‍കുഞ്ഞ്

തെന്നിന്ത്യയില്‍ നിരവധി ആരാധകരുള്ള താരസുന്ദരിയാണ് കാജല്‍ അഗര്‍വാള്‍. താരത്തിന്റേതായി പുറത്തെത്താറുളള വിശേഷങ്ങളെല്ലാം തന്നെ വളരെപ്പെട്ടെന്നാണ് വൈറലായി മാറുന്നതും. ഇപ്പോഴിതാ ആരാധകര്‍ക്ക് ഏറെ സന്തോഷം നല്‍കുന്ന വാര്‍ത്തയാണ് പുറത്തെത്തുന്നത്. കാജലിനും ഭര്‍ത്താവ് ഗൗതം കിച്‌ലുവിനും ആണ്‍കുഞ്ഞ് പിറന്നിരിക്കുകയാണ്.

അമ്മയും കുഞ്ഞും സുഖമായി ഇരിക്കുന്നുവെന്നും ഏവരുടെയും പ്രാര്‍ഥനകള്‍ക്ക് നന്ദിയെന്നും നടിയോട് അടുത്തവൃത്തങ്ങള്‍ അറിയിച്ചു. 2020 ഒക്ടോബര്‍ 30 നാണ് കാജല്‍ അഗര്‍വാളും ഗൗതം കിച്‌ലുവും വിവാഹിതരാകുന്നത്. ഇരുവരും കുട്ടിക്കാലം മുതല്‍ അടുത്ത സുഹൃത്തുക്കളായിരുന്നു.

വിവാഹശേഷവും അഭിനയത്തില്‍ സജീവമായിരുന്ന കാജല്‍, കൊരട്ടാല ശിവ സംവിധാനം ചെയ്യുന്ന ‘ആചാര്യ’ എന്ന ചിരഞ്ജീവി ചിത്രത്തിന്റെ ഷൂട്ടിങ് പൂര്‍ത്തിയാക്കിയിരുന്നു. ദുല്‍ഖറിനൊപ്പമുള്ള ‘ഹേയ് സിനാമിക’യാണ് ഒടുവില്‍ റിലീസ് ചെയ്ത ചിത്രം. താരം ഇതുവരെയും സോഷ്യല്‍ മീഡിയയിലൂടെ ഇതേ കുറിച്ച് പ്രതികരിച്ചിട്ടില്ല.

അതേസമയം, കുറച്ച് നാളുകള്‍ക്ക് മുമ്പ് താരത്തിന്റെ മെറ്റേര്‍ണിറ്റി ഫോട്ടോ ഷൂട്ടും ഏറെ വൈറലായിരുന്നു. കറുത്ത വസ്ത്രങ്ങളിഞ്ഞും മറ്റും താരം പങ്കുവെച്ച ചിത്രങ്ങള്‍ ഏറെ ശ്രദ്ധിക്കപ്പെട്ടിരുന്നു.