Bollywood
ഇനിയും എനിക്ക് കാത്തിരിക്കാനാവില്ല…ആ അനുഭവങ്ങള്‍ അടുത്തറിഞ്ഞു; ദത്തെടുക്കലിലൂടെ ഒരു കുഞ്ഞിനെ സ്വന്തമാക്കാന്‍ തീരുമാനിച്ച് സ്വര ഭാസ്‌കര്‍
ഇനിയും എനിക്ക് കാത്തിരിക്കാനാവില്ല…ആ അനുഭവങ്ങള്‍ അടുത്തറിഞ്ഞു; ദത്തെടുക്കലിലൂടെ ഒരു കുഞ്ഞിനെ സ്വന്തമാക്കാന്‍ തീരുമാനിച്ച് സ്വര ഭാസ്‌കര്‍
അനാഥരായ കുട്ടികളെ സംരക്ഷിക്കുന്നതിനും പരിപാലിക്കുന്നതിനും മുന്‍പന്തിയിലുള്ള സ്വര ഭാസ്‌കര്‍ ഇന്ത്യയിലെ അനാഥ കുട്ടികള്‍ നേരിടുന്ന പ്രതിസന്ധിയെ പറ്റി പൊതുജനങ്ങളെ ബോധവല്‍ക്കരിക്കുന്നതിലുള്ള കാമ്പയിനിലും സജീവസാനിധ്യമാണ്. ഇപ്പോഴിതാ ദത്തെടുക്കലിലൂടെ ഒരു കുഞ്ഞിനെ സ്വന്തമാക്കാന്‍ തീരുമാനിച്ചിരിക്കുകയാണ് നടി. ദത്തെടുക്കലിനായി അവര്‍ സെന്‍ട്രല്‍ അഡോപ്ഷന്‍ റിസോഴ്സ് അതോറിറ്റിയില്‍ രജിസ്റ്റര്‍ ചെയ്തു. നിലവില്‍ കുഞ്ഞിനെ ദത്തെടുക്കുന്നതിനുള്ള വെയ്റ്റിങ് ലിസ്റ്റിലാണ്.
എനിക്കെപ്പോഴും കുടുംബവും കുട്ടികളും വേണമെന്നുണ്ടായിരുന്നു. ഒരു കുട്ടിയെ ദത്തെടുക്കുന്നതിലൂടെ ഇവ രണ്ടും കൈവരിക്കാമെന്ന് എനിക്ക് മനസിലായി. ഭാഗ്യവശാല്‍ ഇന്ത്യയില്‍ വിവാഹിതയാവാത്ത സ്ത്രീക്ക് ദത്തെടുക്കുന്നതിനുള്ള അവകാശമുണ്ട്. കുട്ടികളെ ദത്തെടുത്ത ഒരുപാട് ദമ്പതികളെ ഞാന്‍ കണ്ട് മുട്ടിയിട്ടുണ്ട്. ദത്തെടുത്തവരുടെ അനുഭവങ്ങള്‍ അടുത്തറിയുകയും ചെയ്തു,’ സ്വര ഭാസ്‌കര്‍ പറഞ്ഞു.
‘സെന്‍ഡ്രല്‍ അഡോപ്ഷന്‍ റിസോഴ്സ് അതോറ്റിയിലെ ഉദ്യോഗസ്ഥരുമായി ഞാന്‍ സംസാരിച്ചു. നടപടി ക്രമങ്ങള്‍ മനസിലാക്കി തരുന്നതില്‍ അവര്‍ എന്നെ ഒരുപാട് സഹായിച്ചു. എന്റെ മാതാപിതാക്കളോടും ഞാന്‍ സംസാരിച്ചു. ഒടുവില്‍ അവരും എന്റെ തീരുമാനത്തെ പിന്തുണച്ചു. ഏകദേശം എല്ലാ നടപടിക്രമങ്ങളും ഞാന്‍ പൂര്‍ത്തിയാക്കിയിട്ടുണ്ട്. എനിക്കറിയാം ദത്തെടുക്കല്‍ പ്രക്രിയ നീണ്ട് പോകുന്ന ഒന്നാണെന്ന്. മൂന്ന് വര്‍ഷം വരെ സമയമെടുത്തേക്കാം. എന്നാല്‍ ഇനിയും എനിക്ക് കാത്തിരിക്കാനാവില്ല,’ അവര്‍ കൂട്ടിച്ചേര്‍ത്തു.
ആമസോണ്‍ പ്രൈം സീരീസ് റസ്ഭാരി, ഇറോസ് നൗ സീരീസായ ഫ്ലെഷ്, നെറ്റ്ഫ്ളിക്സ് സീരീസായ ഭാഗ് ബനിയേ ഭാഗ് എന്നിവയാണ് സ്വരയുടേതായി പുറത്തിറങ്ങിയ ചിത്രങ്ങള്‍.
ദിവ്യാ ദത്തയും ഷബാന ആസ്മിയും അഭിനയിക്കുന്ന റൊമാന്റിക് ഡ്രാമയായ ഷീര്‍ ഖോര്‍മയിലാണ് അടുത്തതായി സ്വര അഭിനയിക്കുന്നത്
