‘ഈ മോള്‍ ആരാണെന്ന് അറിയില്ല. പക്ഷെ ഒരു കാര്യം പറയാം. ശരിയായ പരിശീലനവും ശ്രദ്ധയും കിട്ടിയാല്‍ ഒരുപാട് ഉയരങ്ങളില്‍ എത്തും എന്നത് ഉറപ്പാണ്’; വീഡിയോ പങ്കുവെച്ച് കൈലാസ് മേനോന്‍

മലയാളികള്‍ക്കേറെ സുപരിചിതനായ സംഗീത സംവിധായകന്‍ ആണ് കൈലാസ് മേനോന്‍. സോഷ്യല്‍ മീഡിയയില്‍ വളരെ സജീവമായ അദ്ദേഹം പങ്കുവെയ്ക്കാറുള്ള വിശേഷങ്ങളെല്ലാം തന്നെ വളരെപ്പെട്ടെന്നാണ് വൈറലായി മാറുന്നത്.

ഇപ്പോഴിതാ ക്ലാസ് മുറിയിലിരുന്ന് അതിമനോഹരമായി പാടുന്ന ഒരു പെണ്‍കുട്ടിയുടെ വിഡിയോ പങ്കുവച്ചിരിക്കുകയാണ് കൈലാസ് മേനോന്‍.

‘ഈ മോള്‍ ആരാണെന്ന് അറിയില്ല. പക്ഷെ ഒരു കാര്യം പറയാം. ശരിയായ പരിശീലനവും ശ്രദ്ധയും കിട്ടിയാല്‍ ഒരുപാട് ഉയരങ്ങളില്‍ എത്തും എന്നത് ഉറപ്പാണ്. അതിമനോഹരമായ ആലാപനം’ എന്ന കുറിപ്പിനൊപ്പമാണ് അദേഹം വിഡിയോ പങ്കുവച്ചത്.

ഞാന്‍ ഗന്ധര്‍വന്‍ എന്ന സിനിമയിലെ ‘പാലപ്പൂവേ’ എന്ന ഗാനമാണ് ഈ മിടുക്കി അനായാസമായി പാടുന്നത്. നിരനധിപ്പേരാണ് ആലാപനത്തിന് അഭിന്ദനങ്ങളറിയിക്കുന്നത്.

പെണ്‍കുട്ടി അസാധ്യമായി പാടിയെന്നും നല്ല അവസരങ്ങള്‍ ലഭിക്കട്ടെ എന്നൊക്കയാണ് വിഡിയോയ്ക്ക് വരുന്ന കമന്റുകള്‍. വിഡിയോയിലെ പെണ്‍കുട്ടിയുടെ പേരോ മറ്റ് വിവരങ്ങളോ ലഭ്യമല്ല.