“അടൂർ ഗോപാലകൃഷ്ണൻ സാറിന്റെ ആ സിനിമയാണ് ‘ചട്ടമ്പി നാട്’ ചെയ്യാൻ പ്രേരിപ്പിച്ചത്; തുറന്ന് പറഞ്ഞ് സംവിധായകൻ

ഷാഫിയുടെ സംവിധാനത്തിൽ മമ്മൂട്ടി, വിനു മോഹൻ, മനോജ്‌ കെ. ജയൻ, എന്നിവർ പ്രധാനവേഷങ്ങളിൽ അഭിനയിച്ച് 2009-ൽ പ്രദർശനത്തിനിറങ്ങിയ ചിത്രമായിരുന്നു ചട്ടമ്പിനാട്. സിനിമയിലെ വീരേന്ദ്ര മല്ലയ്യ’ എന്ന കഥാപാത്രം മമ്മൂട്ടിയുടെ ഏറ്റവും ജനപ്രീതി നേടിയ കഥാപാത്രങ്ങളില്‍ ഒന്നാണ്.

ഇപ്പോഴിതാ ഈ ചിത്രത്തെ സംബന്ധിക്കുന്ന ഒരു രഹസ്യം വെളിപ്പെടുത്തിയിരിക്കുകയാണ് ഷാഫി. മമ്മൂട്ടിയുടെ സമാന്തര സിനിമയിലെ കഥാപാത്രത്തെ കൊമേഴ്സ്യലാക്കി ആലോചിച്ചാൽ എങ്ങനെയാകും എന്ന ചിന്തയിൽ നിന്നാണ് ചിത്രം പിറന്നതെന്ന് അദ്ദേഹം പറഞ്ഞു.

“അടൂർ ഗോപാലകൃഷ്ണൻ സാർ സംവിധാനം ചെയ്ത ‘വിധേയൻ’ എന്ന മമ്മുക്ക ചിത്രമാണ് എന്നെ ‘ചട്ടമ്പി നാട്’ ചെയ്യാൻ പ്രേരിപ്പിച്ചത്. ‘വിധേയൻ’ എന്ന സിനിമയിലെ മമ്മുക്കയുടെ സ്ലാഗ് സൂപ്പർ ആണെന്ന് തോന്നി.

അത് ഒരു കൊമേഴ്സ്യൽ സിനിമയിലേക്ക് മാറ്റി ചിന്തിച്ചാൽ എങ്ങനെയുണ്ടാകും എന്ന ചിന്തയിൽ നിന്നാണ് ചട്ടമ്പിനാടിന്‍റെ കഥയും കഥാപാത്രങ്ങളും സംഭവിച്ചത്”അദ്ദേഹം പറഞ്ഞു.