Malayalam
ആദ്യ പ്രണയം17-ാം വയസ്സില്… പിന്നീട് വിവാഹത്തിലേക്ക്..11 വര്ഷം കഴിഞ്ഞപ്പോള് വിവാഹബന്ധം വേര്പെടുത്തി; ജഗതിയുടെ വാക്കുകൾ വീണ്ടും വൈറലാകുന്നു
ആദ്യ പ്രണയം17-ാം വയസ്സില്… പിന്നീട് വിവാഹത്തിലേക്ക്..11 വര്ഷം കഴിഞ്ഞപ്പോള് വിവാഹബന്ധം വേര്പെടുത്തി; ജഗതിയുടെ വാക്കുകൾ വീണ്ടും വൈറലാകുന്നു
മലയാള സിനിമയിലെ ഹാസ്യ സാമ്രാട്ട് ആണ് ജഗതി ശ്രീകുമാര്. സ്വകാര്യ ജീവിതത്തില് താരത്തിന് പല വിവാദങ്ങളിലൂടെ കടന്ന് പോകേണ്ടതായി വന്നിട്ടുണ്ട്. തന്റെ രണ്ടാം വിവാഹത്തെ കുറിച്ചും ആദ്യ വിവാഹത്തെ കുറിച്ചുമൊക്കെ ജഗതി പറഞ്ഞ വാക്കുകൾ സോഷ്യൽ മീഡിയയിൽ വീണ്ടും ശ്രദ്ധ നേടുന്നു
ഒരു സ്വകാര്യ ചാനലിന് നല്കിയ അഭിമുഖത്തിലാണ് ജഗതി പ്രണയത്തെ കുറിച്ചും വിവാഹത്തെ കുറിച്ചുമൊക്കെ പറഞ്ഞത്.
ജഗതിയുടെ വാക്കുകള് ഇങ്ങനെ
17 വയസ്സില് കോളജ് പഠനത്തിനിടയിലായിരുന്നു ആദ്യ പ്രണയം, 19-ാം വയസ്സില് അത് സാഫല്യമാക്കിയവനാണ് താന്. തമാശ പ്രേമമൊന്നുമായിരുന്നില്ല അത്. അങ്ങനെ വിവാഹിതരായി. 11 വര്ഷം കഴിഞ്ഞപ്പോള് ആ വിവാഹബന്ധം വേര്പെടുത്തി. പിന്നീട് ഞാന് അറേഞ്ച്ഡ് മാര്യേജിന് വിധേയനായി. കാമുകിയെ ചതിച്ചയാളല്ല താന്. അഭിനയ രംഗത്തുള്ളയാളായതിനാല് പല പെണ്കുട്ടികള്ക്കും എന്നെ ഇഷ്ടമായിരുന്നു. എന്നാല് പ്രണയം ഒന്നേയുണ്ടായിട്ടുള്ളൂ. ഇന്നത്തെപ്പോലെയുള്ള സ്വാതന്ത്ര്യമൊന്നുമില്ലായിരുന്നില്ല. കാമുകിയോട് സംസാരിക്കാനും സിനിമ കാണാന് പോവുമെന്നും അന്ന് സ്വാതന്ത്ര്യമില്ലായിരുന്നു.
അപക്വമായ പ്രായത്തിലെ ചാപല്യമായാണ് ഇപ്പോള് അതിനെ കാണുന്നത്. മക്കളൊക്കെ പ്രണയിക്കുന്നതിന് എതിര്പ്പൊന്നുമില്ല. അതിന്റെ സുഖദു:ഖങ്ങള് ഒരുമിച്ച് അനുഭവിക്കാന് തയ്യാറായാല് പ്രണയം മനോഹരമാണ്. കടുത്ത സാമ്പത്തിക ബുദ്ധിമുട്ടുകളുണ്ടായിരുന്നു അക്കാലത്ത്. അങ്ങനെയാണ് പിരിയേണ്ടി വന്നത്.
കൂടെ അഭിനയിച്ച നായികമാരില് താനേറെ കംഫര്ട്ട് കല്പ്പനയുമായാണ്. മനോധര്മ്മത്തിന് അനുസരിച്ച് അവര് നില്ക്കും. എന്ത് ചെയ്താലും അതിന് അനുസരിച്ച് തിരിച്ചടിക്കും. അക്കാര്യത്തില് മിടുക്കിയാണ്. ജഗതി കല്പ്പന ജോഡിക്കാണ് കൂടുതലും സ്വീകാര്യത. അതിന് പിന്നിലെ കാരണം ഈ മനോധര്മ്മമാണ്.