സായ് പല്ലവി പുതിയ സിനിമകൾ സ്വീകരിക്കാത്തതിന് കാരണം ഇതാണോ ! താരവിവാഹം എന്നാണെന്ന് ചോദിച്ച് ആരാധകർ‍ !

ചുരുങ്ങിയ കാലം കൊണ്ടു തന്നെ തെന്നിന്ത്യൻ പ്രേക്ഷകരുടെ ഇഷ്ടം കവർന്ന അഭിനേത്രിയാണ് സായ് പല്ലവി. അഭിനയത്തിന് പുറമെ ഡാന്‍സിലും തിളങ്ങിയിരുന്നു താരം. റിയാലിറ്റി ഷോയിലൂടെയായും സായ് പല്ലവി കൈയ്യടി നേടിയിരുന്നു. പ്രേമമെന്ന ചിത്രത്തിലൂടെയായാണ് താരത്തെ കേരളക്കര ഏറ്റെടുത്തത്. ആദ്യ മലയാള സിനിമയിലൂടെ തന്നെ ശ്രദ്ധിക്കപ്പെട്ട താരത്തെ മലര്‍ മിസ് എന്നാണ് പ്രേക്ഷകര്‍ വിളിക്കുന്നത്. കസ്തൂരിമാന്‍, ധാം ധൂം തുടങ്ങിയ സിനിമകള്‍ക്ക് ശേഷമാണ് നായികയായി സായ് പല്ലവി എത്തിയത്. എംബിബിഎസ് പൂര്‍ത്തിയാക്കിയെങ്കിലും അഭിനയരംഗത്ത് തന്നെ തുടരുകയായിരുന്നു സായ് പല്ലവി. താരം വിവാഹിതയാവാനുള്ള തയ്യാറെടുപ്പുകളിലാണെന്നുള്ള വിവരങ്ങളാണ് ഇപ്പോള്‍ പുറത്തുവന്നിട്ടുള്ളത്.

അഭിമുഖങ്ങളിലെല്ലാം സായ് പല്ലവിയോട് വിവാഹത്തെക്കുറിച്ച് ചോദിക്കാറുണ്ട്. അതേക്കുറിച്ചൊന്നും ആലോചിക്കുന്നേയില്ല എന്ന മറുപടിയാണ് താരം നല്‍കാറുള്ളത്. പ്രണയമുണ്ടോയെന്ന് ചോദിച്ചപ്പോള്‍ അങ്ങനെയുള്ള കാര്യങ്ങളിലൊന്നും താല്‍പര്യമില്ലെന്നും താരം പറഞ്ഞിരുന്നു. സായ് പല്ലവിയുടെ അഭിമുഖങ്ങളും വിശേഷങ്ങളുമെല്ലാം പെട്ടെന്ന് തന്നെ വൈറലായി മാറാറുണ്ട്.

വിവാഹത്തെക്കുറിച്ച് താന്‍ ചിന്തിക്കാതിരിക്കുന്നതിന് പിന്നിലെ കാരണത്തെക്കുറിച്ചും സായ് പല്ലവി തുറന്നുപറഞ്ഞിരുന്നു. കല്യാണം കഴിഞ്ഞാല്‍ സ്വന്തം വീട്ടില്‍ നിന്നും മാറിനില്‍ക്കേണ്ടി വരും. വീട്ടുകാരെ വിട്ട് മറ്റൊരു സ്ഥലത്ത് പോയി സെറ്റിലാവുന്നതിനോട് താല്‍പര്യമില്ല. അച്ഛനേയും അമ്മയേയും അനിയത്തിയേയും വിട്ട് പോകാന്‍ താല്‍പര്യമില്ലാത്തതിനാലാണ് വിവാഹത്തിന് തയ്യാറാവാത്തതെന്ന് ഇടയ്ക്ക് താരം പറഞ്ഞിരുന്നു.

വിവാഹത്തെക്കുറിച്ചുള്ള നിലപാട് മാറ്റിയിരിക്കുകയാണ് സായ് പല്ലവി എന്നുള്ള വിവരങ്ങളാണ് ഇപ്പോള്‍ പുറത്തുവന്നിട്ടുള്ളത്. തെലുങ്ക്, തമിഴ് മാധ്യമങ്ങളെല്ലാം ഇതേക്കുറിച്ച് റിപ്പോര്‍ട്ട് ചെയ്തിട്ടുണ്ട്. മാതാപിതാക്കള്‍ മകള്‍ക്കായി വരനെ അന്വേഷിച്ച് തുടങ്ങിയെന്നും റിപ്പോര്‍ട്ടുകളുണ്ട്. വിവാഹത്തിന് തയ്യാറാണെന്ന് താരം അറിയിച്ചുവെന്നും അത് പ്രകാരമായി വരനെ കണ്ടെത്താനുള്ള ശ്രമങ്ങളും ആരംഭിച്ചുവെന്നാണ് വാര്‍ത്തകള്‍. ഇതേക്കുറിച്ച് താരം പ്രതികരിച്ചിട്ടില്ല.

ശ്യാം സിംഗ റോയ്ക്ക് ശേഷം താരം പുതിയ സിനിമകള്‍ സ്വീകരിച്ചിട്ടില്ലെന്നുള്ളതും കാരണമായി ചൂണ്ടിക്കാണിക്കുന്നുണ്ട്. എന്നാല്‍ സായ് പല്ലവി ഇതുവരെ വിവാഹത്തെക്കുറിച്ച് പ്രതികരിച്ചിട്ടില്ല. വിവിധ നായകന്‍മാരുമായി ചേര്‍ത്ത് നേരത്തെ ഗോസിപ്പ് പ്രചരിച്ചപ്പോഴും സായ് പല്ലവി മൗനം പാലിക്കുകയായിരുന്നു. സിനിമ സ്വീകരിക്കുന്ന കാര്യത്തിലും പ്രമോഷന്‍ പരിപാടികളെക്കുറിച്ചുമെല്ലാം നിലപാട് വ്യക്തമാക്കാറുണ്ടെങ്കിലും ഗോസിപ്പുകളില്‍ പ്രതികരിക്കാറില്ല സായ് പല്ലവി.

ABOUT SAI PALAVY