‘കൊച്ചടിയാന്‍’ സിനിമയുമായി ബന്ധപ്പെട്ട വഞ്ചനാക്കേസില്‍ പ്രതികരണവുമായി രജനികാന്തിന്റെ ഭാര്യ ലത രജനികാന്ത്. ചൊവ്വാഴ്ച ബംഗളൂരു മജിസ്‌ട്രേറ്റ് കോടതി കേസില്‍ ലതയ്ക്ക് ജാമ്യം അനുവദിച്ചിരുന്നു. ഒരു ലക്ഷം രൂപയുടെ വ്യക്തിഗത ബോണ്ടിലും 25,000 രൂപ പണമടച്ചുമാണ് കോടതി ലതയ്ക്ക് ജാമ്യം അനുവദിച്ചത്.
‘സെലിബ്രിറ്റികളാകുന്നതിന് ഞങ്ങള്‍ നല്‍കുന്ന വില’ എന്നാണ് ആരോപണങ്ങള്‍ നിഷേധിച്ചുകൊണ്ട് ലത രജനികാന്ത് വിഷയത്തില്‍ പ്രതികരിച്ചത്. ‘എന്നെ സംബന്ധിച്ചിടത്തോളം, ഇത് ഒരു ജനപ്രിയ വ്യക്തിയെ അപമാനിക്കുന്നതിനും ഉപദ്രവിക്കുന്നതിനും ചൂഷണം ചെയ്യുന്നതിനും ലക്ഷ്യം വച്ചുള്ള കേസാണ്.’
‘സെലിബ്രിറ്റികളാകുന്നതിന് ഞങ്ങള്‍ നല്‍കുന്ന വിലയാണിത്. ഇതൊരു ഒരു വലിയ കേസേ അല്ല, പക്ഷേ വാര്‍ത്ത വളരെ വലുതായി മാറി. വഞ്ചനയല്ല, പണവുമായി എനിക്ക് ഒരു ബന്ധവുമില്ല’ എന്നാണ് ലത രജനികാന്ത് എഎന്‍ഐയോട് പ്രതികരിച്ചത്.
2015ല്‍ ആണ് ഈ കേസ് ബെംഗളൂരുവിലെ ആഡ് ബ്യൂറോ അഡ്വര്‍ടൈസിങ് കമ്പനി ഫയല്‍ ചെയ്തത്. കൊച്ചടിയാന്‍ സിനിമയുടെ തമിഴ്‌നാട്ടിലെ വിതരണാവകാശം മറ്റൊരു സ്ഥാപനത്തിനു നല്‍കാനായി ലതയുടെ ഉടമസ്ഥതയിലുള്ള മീഡിയ വണ്‍ ഗ്ലോബല്‍ എന്റര്‍ടെയ്ന്‍മെന്റ് ലിമിറ്റഡ് വ്യാജ രേഖയുണ്ടാക്കി എന്നാണ് ആരോപണം.
രജനിയും ദീപിക പദുക്കോണും അഭിനയിച്ച് 2014ല്‍ പുറത്തിറങ്ങിയ കൊച്ചടിയാന്‍, രജനിയുടെ മകള്‍ സൗന്ദര്യയാണ് സംവിധാനം ചെയ്തത്. ഈ ആനിമേറ്റഡ് ആക്ഷന്‍ സിനിമ പൂര്‍ത്തിയാക്കാന്‍ 14 കോടി രൂപ ആഡ് ബ്യൂറോ നല്‍കിയിരുന്നു.
രജനികാന്ത് ലോകേഷ് കനകരാജ് കൂട്ടുക്കെട്ടിലൊരുങ്ങുന്ന ഏറ്റവും പുതിയ ചിത്രമാണ് ‘കൂലി. ഇപ്പോഴിതാ ഈ ചിത്രത്തിനെതിരെ പരാതിയുമായി രംഗത്തെത്തിയിരിക്കുകയാണ് സംഗീത സംവിധായകന്‍ ഇളയരാജ....
തമിഴകത്ത് ഇപ്പോള്‍ റീ റീലിസുകളുടെ കാലമാണ്. അടുത്തിടെയായി നിരവധി ചിത്രങ്ങളാണ് പുറത്തെത്തിയത്. ഇപ്പോഴിതാ അജിത്തിന്റെ മങ്കാത്ത എന്ന ഹിറ്റും തിയറ്ററുകളിലേയ്ക്ക് വീണ്ടുമെത്തിയിരിക്കുകയാണ്....
തന്റെ സഹോദരന്‍ ഇളയരാജയെക്കുറിച്ച് മോശമായ പരാമര്‍ശം തുടര്‍ന്നാല്‍ കവിയും ഗാനരചയിതാവുമായ വൈരമുത്തു കടുത്തനടപടി നേരിടേണ്ടി വരുമെന്ന് സംവിധായകനും സംഗീത സംവിധായകനുമായ ഗംഗൈ...
മലയാള സിനിമയിലും തമിഴിലും നിറഞ്ഞു നിന്ന മുന്‍നിര നായികമാരില്‍ ഒരാളായിരുന്നു നടി കസ്തൂരി. ഇപ്പോള്‍ താരം തമിഴ് സീരിയലുകളിലും മറ്റും സജീവമാണ്....
തെന്നിന്ത്യൻ സിനിമയിൽ ധാരാളം താരപുത്രിമാർ തിളങ്ങി നിൽക്കുന്നുണ്ടെങ്കിലും അതിൽ വ്യത്യസ്തമായ അഭിനയ ശൈലികൊണ്ട് വളരെപ്പെട്ടന്ന് ആരാധകരുടെ മനസ്സിൽ ഇടം നേടിയ താരമാണ്...
