Cricket
കേരള സ്‌ട്രൈക്കേഴ്‌സുമായി ‘അമ്മ’യ്ക്കും മോഹന്‍ലാലിനും യാതൊരു ബന്ധവുമില്ല!; പിന്മാറിയതായി അറിയിച്ച് നടന്
കേരള സ്‌ട്രൈക്കേഴ്‌സുമായി ‘അമ്മ’യ്ക്കും മോഹന്‍ലാലിനും യാതൊരു ബന്ധവുമില്ല!; പിന്മാറിയതായി അറിയിച്ച് നടന്
സെലിബ്രിറ്റി ക്രിക്കറ്റ് ലീഗില്‍ നിന്നും പിന്മാറി മലയാള താരസംഘടനയായ ‘അമ്മ’യും മോഹന്‍ലാലും. കേരള സ്‌െ്രെടക്കേഴ്‌സ് ടീമിന്റെ നോണ്‍ പ്ലേയിങ് ക്യാപ്റ്റന്‍ ആയിരുന്നു മോഹന്‍ലാല്‍. ഈ സ്ഥാനത്ത് നിന്നും പിന്മാറിയ താരം തന്റെ ചിത്രങ്ങള്‍ സിസിഎല്ലില്‍ ഉപയോഗിക്കരുതെന്നും വ്യക്തമാക്കി.
സിസിഎല്‍ മാനേജ്‌മെന്റുമായുള്ള ഭിന്നതയെ തുടര്‍ന്നാണ് ഈ പിന്മാറ്റം എന്നാണ് അമ്മയുടെ ജനറല്‍ സെക്രട്ടറിയായ ഇടവേള ബാബു ഒരു ഓണ്‍ലൈന്‍ മാധ്യമത്തോട് പ്രതികരിച്ചിരിക്കുന്നത്. കുഞ്ചാക്കോ ബോബന്‍ ആണ് കേരള സ്‌െ്രെടക്കേഴ്‌സിന്റെ ക്യാപ്റ്റനും ബ്രാന്‍ഡ് അംബസിഡറും.
മോഹന്‍ലാലിന്റെ നിര്‍ദേശത്തെ തുടര്‍ന്ന് സിസിഎല്ലില്‍ ഉപയോഗിച്ചിരുന്ന മോഹന്‍ലാലിന്റെ ചിത്രങ്ങള്‍ നീക്കം ചെയ്തു. മോഹന്‍ലാലിന് ടീമില്‍ ചെറിയ ഒരു ശതമാനം ഓഹരി മാത്രമാണുള്ളത്. കേരള സ്‌െ്രെടക്കേഴ്‌സുമായി അമ്മയ്ക്ക് യാതൊരു ബന്ധവുമില്ല എന്നും ഇടവേള ബാബു വ്യക്തമാക്കി. രാജ്കുമാര്‍ സേതുപതി, ഭാര്യ ശ്രിപ്രിയ, ഷാജി ജെയ്‌സന്‍ എന്നിവരാണ് ഇപ്പോള്‍ കേരള സ്‌െ്രെടക്കേഴ്‌സിന്റെ ഉടമസ്ഥര്‍.
അതേസമയം, സിസിഎല്ലില്‍ രണ്ടാം തവണയും കേരള സ്‌െ്രെടക്കേഴ്‌സ് പരാജയപ്പെട്ടിരിക്കുകയാണ്. കര്‍ണാടക ബുള്‍ഡോസേഴ്‌സാണ് രണ്ടാം മത്സരത്തില്‍ കേരള താരങ്ങളെ പരാജയപ്പെടുത്തിയത്. എട്ട് വിക്കറ്റിനായിരുന്നു കര്‍ണാടകയുടെ ജയം. ആദ്യ മത്സരത്തില്‍ തെലുങ്ക് വാരിയേഴ്‌സ് 64 റണ്‍സിനാണ് കേരള സ്‌െ്രെടക്കേഴ്‌സിനെ ആദ്യ മത്സരത്തില്‍ പരാജയപ്പെടുത്തിയത്.
