ടിക് ടോക്കില്‍ വീഡിയോ ഇട്ടതിന് ആറ് മാസത്തെ തടവ്; പിന്നാലെ സോഷ്യല്‍ മീഡിയ താരത്തെ വെടിയേറ്റ് മരിച്ച നിലയില്‍ കണ്ടെത്തി!

ഇറാഖിലെ പ്രമുഖ സോഷ്യല്‍ മീഡിയ താരം ഉമ്മു ഫഹദ് എന്നറിയപ്പെടുന്ന ഗുഫ്രാന്‍ സവാദി വെ ടിയേറ്റ് മ രിച്ചു. ബാഗ്ദാദിന് കിഴക്ക് സയൗന മേഖലയിലെ വീടിന് പുറത്ത് വച്ചാണ് ഉമ്മു ഫഹദിന് വെടിയേറ്റതെന്നാണ് വിവരം. മോട്ടോര്‍ സൈക്കിളില്‍ എത്തിയ തോ ക്കുധാരി ഉമ്മു ഫഹദിന് നേരെ വെ ടിയുതിര്‍ക്കുന്ന ദൃശ്യങ്ങളും പുറത്തു വന്നിട്ടുണ്ട്.

സംഭവത്തെ കുറിച്ച് അന്വേഷിക്കാന്‍ പ്രത്യേക സംഘം രൂപീകരിക്കുമെന്ന് സര്‍ക്കാര്‍ വ്യക്തമാക്കി. ഇറാഖിലെ ടിക് ടോക്ക് താരമായിരുന്നു ഉമ്മു ഫഹദ്. പോപ്പ് സംഗീതത്തില്‍ നൃത്തം ചെയ്യുന്ന വീഡിയോകള്‍ നിരവധി തവണ ഇവര്‍ പങ്ക് വച്ചിട്ടുണ്ട്.

ഇറാഖിലെ ജുഡീഷ്യറി ഈ വീഡിയോകള്‍ അനുചിതമായി കണക്കാക്കിയിരുന്നു. ഇതിന്റെ പേരില്‍ ഉമ്മു ഫഹദിനെ ആറ് മാസത്തെ തടവിനും ശി ക്ഷിച്ചിരുന്നു.

‘പൊതു മര്യാദയും ധാര്‍മ്മികതയും ലംഘിച്ച് അ ശ്ലീലവും അസഭ്യവുമായ ഭാഷകള്‍ അടങ്ങിയ നിരവധി വീഡിയോകള്‍ നിര്‍മ്മിക്കുകയും പങ്ക് വയ്ക്കുകയും ചെയ്ത കുറ്റത്തിനാണ് ഉമ്മു ഫഹദിനെ ആറ് മാസത്തെ തടവിന് ശിക്ഷിച്ചത്,’ എന്നാണ് ഇറാഖി ജുഡീഷ്യറി വ്യക്തമാക്കിയത്.