News
ഇന്ത്യയുടെ ഔദ്യോഗിക ഓസ്‌കാര്‍ എന്‍ട്രിയായ ‘ഛെല്ലോ ഷോ’യിലെ ബാലതാരം രാഹുല്‍ കോലി അന്തരിച്ചു
ഇന്ത്യയുടെ ഔദ്യോഗിക ഓസ്‌കാര്‍ എന്‍ട്രിയായ ‘ഛെല്ലോ ഷോ’യിലെ ബാലതാരം രാഹുല്‍ കോലി അന്തരിച്ചു
ഇന്ത്യയുടെ ഔദ്യോഗിക ഓസ്‌കാര്‍ എന്‍ട്രിയായ ‘ഛെല്ലോ ഷോ’ ഷോ എന്ന ഗുജറാത്തി ചിത്രത്തിലെ ബാലതാരം രാഹുല്‍ കോലി(15) അന്തരിച്ചു. രക്താര്‍ബുദം രൂക്ഷമായതിനെ തുടര്‍ന്നാണ ്‌രാഹുല്‍ മരണത്തിന് കീഴടങ്ങിയത്. ‘ഛെല്ലോ ഷോ’ എന്ന ചിത്രത്തില്‍ മികച്ച പ്രകടനം കാഴ്ച്ചവെച്ച് രാഹുല്‍ ഏവരുടെയും ശ്രദ്ധ പിടിച്ചുപറ്റിയിരുന്നു.
ഒക്ടോബര്‍ 14ന് സിനിമ റിലീസ് ആയതിന് ശേഷം തങ്ങളുടെ ജീവിതം മാറിമറിയുമെന്ന് മകന്‍ വിശ്വസിച്ചിരുന്നതായി രാഹുലിന്റെ അച്ഛന് പറഞ്ഞു. ഓട്ടോ റിക്ഷാ െ്രെഡവറാണ് അദ്ദേഹം. എന്നാല്‍, ചിത്രം പുറത്തിറങ്ങും മുന്‍പേ രാഹുലിന്റെ മരണം സംഭവിക്കുകയായിരുന്നു.
സെപ്റ്റംബര്‍ 20ന് ഫിലിം ഫെഡറേഷന്‍ ഓഫ് ഇന്ത്യയാണ് 2023ലെ ഓസ്‌കാറിലേക്കുള്ള ഇന്ത്യയുടെ ഔദ്യോഗിക എന്‍ട്രിയായി ‘ഛെല്ലോ ഷോ’ എന്ന ചിത്രത്തെ പ്രഖ്യാപിച്ചത്.
പാന്‍ നളിന്‍ സംവിധാനം ചെയ്ത ചിത്രം മികച്ച ഇന്റര്‍നാഷണല്‍ ഫീച്ചര്‍ ഫിലിം വിഭാഗത്തിലാണ് തിരഞ്ഞെടുക്കപ്പെട്ടത്. ഭവിന്‍ റബാരി, ഭവേഷ് ശ്രീമാലി, റിച്ച മീന, ദിപെന്‍ റാവല്‍, പരേഷ് മേത്ത എന്നിവരാണ് ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
