ജീവിതമെന്നത് ഒരാളോട് കൂടി മാത്രം ജീവിക്കുന്നതല്ല പോസ്റ്റുമായി ഗോപിസുന്ദർ ; വിമർശിച്ച് ആരാധകർ
സൗത്ത് ഇന്ത്യൻ സിനിമ പ്രേമികളുടെ പ്രിയ സംഗീത സംവിധായകനാണ് ഗോപി സുന്ദർ. വിവിധ സൗത്ത് ഇന്ത്യൻ ഭാഷകളിലായി നിരവധി ഗാനങ്ങൾ ഒരുക്കിയിട്ടുള്ള ഗോപി സുന്ദറിന് നിരവധി ആരാധകരുണ്ട്.
പ്രണയവും ലിവിങ് റ്റുഗദര്‍ ജീവിതവുമൊക്കെയായി വാര്‍ത്തകളില്‍ നിറഞ്ഞയാളാണ് ഗോപി സുന്ദര്‍. വര്‍ഷങ്ങളായി അഭയ ഹിരണ്‍മയിയുമായി ലിവിങ് റ്റുഗദര്‍ ജീവിതം നയിച്ചിരുന്നു അദ്ദേഹം. അടുത്തിടെയായിരുന്നു ഇരുവരും പിരിഞ്ഞത്. അതിന് ശേഷമായാണ് ഗോപി സുന്ദറിന്റെ ജീവിതത്തിലേക്ക് അമൃത സുരേഷ് എത്തിയത്. ഇപ്പോഴിതാ പ്രണയത്തെക്കുറിച്ച് മൈത്രേയന്‍ പറഞ്ഞ കാര്യം പങ്കിട്ടെത്തിയിരിക്കുകയാണ് ഗോപി സുന്ദര്‍.
പങ്കാളിയെ മറ്റൊരാള്‍ ഇഷ്ടപ്പെടുന്നുവെങ്കില്‍ എന്ത് ചെയ്യണമെന്ന വിഷയത്തെക്കുറിച്ചായിരുന്നു മൈത്രേയന്‍ സംസാരിച്ചത്. വളരെ ശരിയായ കാര്യമെന്ന ക്യാപ്ഷനോടെയായാണ് ഗോപി സുന്ദര്‍ ഈ വീഡിയോ പങ്കുവെച്ചത്. സ്വന്തം ജീവിതാനുഭവങ്ങള്‍ ഓര്‍ത്താണോ ഇത് അനുകൂലിക്കുന്നത്, ഇതൊക്കെ കേള്‍ക്കുമ്പോള്‍ സമാധാനം തോന്നുന്നുണ്ടാവും അല്ലേയെന്നൊക്കെയായിരുന്നു ഗോപി സുന്ദറിനോട് ചിലര്‍ ചോദിച്ചത്. അമൃതയെ ഒഴുവാക്കി അടുത്താലേ കണ്ടു പിടിക്കാനോ ഇപ്പോൾ ഈ വീഡിയോ പോസ്റ്റ് ചെയുന്നത് എന്നും ചിലർ ചോദിക്കുന്നുണ്ട് .
ജീവിതമെന്നത് ഒരാളോട് കൂടി മാത്രം ജീവിക്കുന്നതല്ല. അതൊക്കെ പ്രണയത്തെ റൊമാന്റിസൈസ് ചെയ്ത് പറയുന്നതാണ്. നമുക്കൊരാളെ ഇഷ്ടമായിരിക്കുമ്പോള്‍ തന്നെ വേറൊരാളെ ഇഷ്ടമാവാം, അതിനുള്ള സാധ്യത വളരെ കൂടുതലാണ്. എത്ര തരത്തിലുള്ള കറികള്‍ കൂട്ടിയാണ് നമ്മള്‍ ഭക്ഷണം കഴിക്കുന്നത്, ഒരേ ഷര്‍ട്ടാണോ നമ്മളെപ്പോഴും ഇടുന്നത്. ഒരേ സമയത്ത് തന്നെ നമുക്ക് പലതിനേയും ഇഷ്ടപ്പെടാനാവും. ഒരാള്‍ക്ക് നാലഞ്ച് കൂട്ടുകാരെങ്കിലും ആവശ്യമാണ്. ഇണയായി ഒരാളേയുണ്ടാവുള്ളു. കൂട്ടുകാരെപ്പോഴും ആവശ്യമാണ്.
മൂന്നാല് പേരെങ്കിലും കൂട്ട് വേണം. നിങ്ങള്‍ മല കയറാനും ചാടാനുമൊക്കെ പോവുന്നയാളാണ്. ആ വിഷയത്തില്‍ താല്‍പര്യമുള്ളവരുമായി കൂട്ടുകൂടണം. വേറെ കൂട്ടുകാരെ ഉണ്ടാക്കാതെ ഒരിടത്ത് തളച്ചിടുന്നതൊക്കെ പഴയ കാലത്തെ യുക്തികളാണ്. നമ്മള്‍ തിരഞ്ഞെടുത്തയാളിനെ വേറൊരാള്‍ പ്രേമിക്കുന്നുണ്ടെങ്കില്‍ അതാണ് അതിന്റെ ഏറ്റവും നല്ല യോഗ്യത. നമ്മളുടെ ഇണയെ എല്ലാവരും പ്രേമിക്കണം. അപ്പോഴാണ് നമ്മുടെ തിരഞ്ഞെടുപ്പ് ഐഡിയലാണെന്ന് മനസിലാക്കുന്നത്.
എന്റെ ഇണ എന്നെ ഉപേക്ഷിച്ച് പോവാത്ത യോഗ്യതയില്‍ ഇരിക്കേണ്ടത് ഞാനാണ്. അവര്‍ വേരൊരാളുടെ കൂടെ യാത്ര ചെയ്യുന്നതോ സിനിമ കാണാന്‍ പോവുന്നതോ പ്രശ്‌നമാക്കരുത്. നമ്മളെ കവച്ച് വെക്കാന്‍ കഴിവുള്ളവരല്ല ഇവരാരും. നമ്മുടെ കൂടെയുള്ളൊരാളിനെ മറ്റൊരാള്‍ ഇഷ്ടത്തോടെ നോക്കുമ്പോള്‍ അസൂയ തോന്നും. നമ്മുടെ പങ്കാളി നഷ്ടപ്പെട്ട് പോവാതിരിക്കാനുള്ള വികാരമാണ് അസൂയ. യോഗ്യരായി തുടരുകയാണ് ചെയ്യേണ്ടതെന്നായിരുന്നു മൈത്രേയന്‍ പറഞ്ഞത്.
അമൃത സുരേഷും ഗോപി സുന്ദറും ഇപ്പോള്‍ ജീവിതത്തിന്റെ മറ്റൊരു തലം ആസ്വദിച്ചു കൊണ്ടിരിക്കുകയാണ്. കഴിഞ്ഞ കാല ജീവിതങ്ങള്‍ എല്ലാം മറന്ന്, സോഷ്യല്‍ മീഡിയയില്‍ ഉയരുന്ന ആരോപണങ്ങളെ മറന്ന് അമൃതയും ഗോപി സുന്ദറും തങ്ങളുടെ സ്വകാര്യ ജീവിതത്തിലെ സന്തോഷങ്ങള്‍ക്ക് വേണ്ടി ചെലവഴിയ്ക്കുന്നു.പ്രണയം വെളിപ്പെടുത്തിയ ശേഷം അമൃതയും ഗോപി സുന്ദറും തങ്ങൾ ഒരുമിച്ചുള്ള ചിത്രങ്ങളോ വീഡിയോകളോ സോഷ്യൽമീഡിയിയൽ പങ്കുവെച്ചാൽ വലിയ രീതിയിൽ വിമർശനം ഹേറ്റ് കമന്റും പ്രത്യക്ഷപ്പെടുന്നത് പതിവായിരുന്നു.ജീവിതത്തിലെ വിഷമഘട്ടങ്ങള്‍ പിന്നിട്ട് ഒരുമിച്ചു മനോഹര യാത്ര ആരംഭിക്കുകയാണെന്ന് അമൃത വ്യക്തമാക്കി. ആരാധകരുടെ സ്നേഹവും പ്രാര്‍ഥനയും എന്നും തങ്ങള്‍ക്കൊപ്പം ഉണ്ടാകണമെന്നും ഗായിക പറഞ്ഞു.
