Malayalam Breaking News
പ്രണയം തകർന്നോ ? എങ്കിൽ ഈ 5 ചിത്രങ്ങൾ ഉറപ്പായും കാണണം
പ്രണയം തകർന്നോ ? എങ്കിൽ ഈ 5 ചിത്രങ്ങൾ ഉറപ്പായും കാണണം
പ്രണയം തകർന്നോ ? എങ്കിൽ ഈ 5 ചിത്രങ്ങൾ ഉറപ്പായും കാണണം
പ്രണയം തകര്‍ന്നാല്‍ എന്തു ചെയ്യും? വേദന താങ്ങാനാകാതെ ഹൃദയം വിങ്ങിപ്പൊട്ടുമോ? സാധാരണ നമ്മുടെ ഇത്തരം ഉത്തരങ്ങള്‍ സിനിമയില്‍ നിന്നാണല്ലോ കിട്ടാറ്. ഇതാ അഞ്ച് പെണ്‍കൊടിമാര്‍, അഞ്ച് ബോളിവുഡ് കഥാപാത്രങ്ങള്‍. ഹൃദയവേദന ഉണക്കാന്‍ ഇവര്‍ നിങ്ങളെ സഹായിക്കും.
യേ ജവാനി ഹേയ്‍ ദീവാനി
ഈ ചിത്രത്തില്‍ (നെയ്‍ന) ദീപികയ്ക്ക് രണ്‍ബീറിനോട് കടുത്ത പ്രണയമാണ്. പക്ഷേ, തുറന്നു പറഞ്ഞിട്ടില്ല. പെട്ടന്ന് ഒരുദിവസം കാമുകന്‍ ഇന്ത്യ വിടുകയാണെന്ന് അവള്‍ അറിയുന്നു. ഇനിയൊരിക്കലും അവര്‍ കാണാന്‍പോലും സാധ്യതയില്ല. ഈ സാഹചര്യത്തെ പക്വമായി നേരിടുകയാണ് ദീപികയുടെ കഥാപാത്രം. നൈരാശ്യത്തില്‍ നിന്ന് കരകയറാന്‍ നിങ്ങളെ ഈ സിനിമ പഠിപ്പിക്കും.
ക്വീൻ
കല്യാണത്തിന് തലേദിവസം പ്രതിശ്രുതവരന്‍ അപ്രത്യക്ഷനായാല്‍ —– തളര്‍ന്നു വീഴാന്‍ പോകാതെ റാണി മെഹ്റ (കംഗണ റണൗത്ത്) ചെയ്തത് ഒറ്റയ്ക്ക് ഒരു യാത്രയ്ക്ക് പോകുകയാണ്. ആ യാത്രയില്‍ അവള്‍ സ്വയം മനസിലാക്കി, അവളെ കണ്ടെത്തി, അവളുടെ സന്തോഷം വീണ്ടെടുത്തു.
ലേഡീസ് Vs റിക്കി ബാല്‍
മൂന്നു സ്ത്രീകളെ ചതിക്കുന്ന ഒരു പുരുഷനെ പിടികൂടാന്‍ എത്തുകയാണ് അനുഷ്‍ക ശര്‍മ്മ. പക്ഷേ, അവളെയും പ്രണയിച്ച് ചതിക്കുകയാണ് റിക്കി ബാല്‍. ഇതില്‍ നിന്ന് പ്രചോദനം ഉള്‍ക്കൊണ്ട് ജീവിതത്തെ സമീപിക്കുന്ന അനുഷ്‍കയുടെ കഥാപാത്രം ജീവിതപാഠമാണ്.
ബച്ച്ന ഏയ് ഹസീനോ
റണ്‍ബീറിന്‍റെ കഥാപാത്രത്തോടുള്ള പ്രണയം പെരുവഴിയിലായതോടെ ജീവിതത്തെ പുതിയ വെളിച്ചത്തില്‍ കാണുകയാണ് ഈ സിനിമയില്‍ ബിപാഷ. ജീവിതലക്ഷ്യത്തിലേക്ക് എത്തുന്നതിന് പ്രചോദനമാണ് ബിപാഷയുടെ വേഷം.
ജബ് തക് ഹെയ് ജാന്‍
ഷാരൂഖ് ഖാന്‍റെ കഥാപാത്രത്തോട് വണ്‍വേ പ്രണയത്തിലാണ് അനുഷ്‍ക. പക്ഷേ, അയാള്‍ മറ്റൊരു പെണ്‍കുട്ടിയുമായി പ്രണയത്തിലാണ്. ഇത് മനസിലാക്കുന്ന അവള്‍ സ്വന്തം ജീവിതം ജീവിച്ചു കാണിക്കുകയാണ്. ആരോടും പരിഭവമോ, പ്രതിഷേധമോ ഇല്ലാതെ.
breakup movies for girls
