വമ്പന്‍ മേക്കോവറില്‍ എത്തി ആമിര്‍ ഖാന്റെ മകന്‍ ജുനൈദ് ഖാന്‍

സിനിമയില്‍ അരങ്ങേറ്റം കുറിക്കാന്‍ വമ്പന്‍ മേക്കോവറില്‍ എത്തി ആമിര്‍ ഖാന്റെ മകന്‍ ജുനൈദ് ഖാന്‍. ആമിറിന്റെയും റീന ദത്തയുടെയും മകനാണ് ജുനൈദ് ഖാന്‍. യഷ് രാജ് ഫിലിംസ് നിര്‍മിക്കുന്ന ‘മഹാരാജ്’ എന്ന സിനിമയിലൂടെയാണ് ജുനൈദ് സിനിമയില്‍ എത്തുന്നത്.

കൂടാതെ സായ് പല്ലവിയ്‌ക്കൊപ്പം ജപ്പാനിലെ സ്‌നോ ഫെസ്റ്റിവലിനെ ആസ്പദമാക്കി ഒരുക്കുന്ന മറ്റൊരു ചിത്രത്തില്‍ കൂടി ജുനൈദ് അഭിനയിക്കുന്നുണ്ട് എന്നും റിപ്പോര്‍ട്ടുകള്‍ എത്തുന്നുണ്ട്. സെലിബ്രിറ്റി ഫോട്ടോഗ്രാഫര്‍ അവിനാശ് ഗവാരിക്കര്‍ പകര്‍ത്തിയ ജുനൈദിന്റെ ചിത്രങ്ങളാണ് ഇപ്പോള്‍ ശ്രദ്ധ നേടുന്നത്.

ചിത്രത്തില്‍ വളരെ വ്യത്യസ്തമായ മേക്കോവറിലാണ് ജുനൈദ് എത്തുന്നത്. 19986 ല്‍ വിവാഹിതരായ ആമീര്‍ ഖാനും റീദ ദത്തയ്ക്കും 1993ല്‍ ആണ് ജുനൈദ് ജനിക്കുന്നത്. 1997ല്‍ മകള്‍ ഇറാ ഖാന്‍ ജനിച്ചു. സോഷ്യല്‍ മീഡിയയില്‍ സജീവമാണ് ഇറാ ഖാന്‍.

2002ല്‍ റീന ദത്ത ആമീറുമായി വേര്‍പിരിഞ്ഞു. റീനയ്‌ക്കൊപ്പമാണ് മക്കള്‍ വളര്‍ന്നത്. വര്‍ഷങ്ങള്‍ക്ക് മുമ്പ് തന്നെ ജുനൈദ് സിനിമയിലെത്തുമെന്ന് അഭ്യൂഹമുണ്ടായിരുന്നു. അന്ന് ആമിര്‍ അത് നിഷേധിച്ചിരുന്നു. പഠനം പൂര്‍ത്തിയാക്കിയ ശേഷമാണ് ഇപ്പോള്‍ ജുനൈദ് സിനിമയില്‍ അരങ്ങേറ്റം കുറിക്കാനൊരുങ്ങുന്നത്.