Tamil
ഞാൻ പത്താം ക്ലാസിൽ തോറ്റതാണ്, വീണ്ടും ശ്രമിച്ചു നോക്കി പക്ഷെ വീണ്ടും തോറ്റു. ചിലർക്ക് പഠിത്തം വരില്ല; കമൽ ഹാസന്റെ മകൾ
ഞാൻ പത്താം ക്ലാസിൽ തോറ്റതാണ്, വീണ്ടും ശ്രമിച്ചു നോക്കി പക്ഷെ വീണ്ടും തോറ്റു. ചിലർക്ക് പഠിത്തം വരില്ല; കമൽ ഹാസന്റെ മകൾ
ഉലക നായകൻ കമൽ ഹാസന്റെ മകൾ എന്ന നിലയിലും നടിയെന്നും ശ്രുതി ഹാസന്റെ സഹോദരിയെന്ന നിലയിലും പ്രശസ്തയാണ് അക്ഷര ഹാസൻ. ഇപ്പോഴിതാ തന്റെ വിദ്യാഭ്യാസ ജീവിതത്തെ കുറിച്ചും മറ്റും പറയുകയാണ് താരം. ജോലി ചെയ്യാനുള്ള ലീഗൽ പ്രായമായ 18 ആയപ്പോൾ തന്നെ, ഇനി ഞാൻ ജോലിയ്ക്ക് പൊയ്‌ക്കോളാം എന്ന് ഞാൻ അച്ഛനോട് പറഞ്ഞു.
ജോലി ചെയ്യുന്നതാണ് നല്ലതെന്ന് തോന്നുന്നു. അങ്ങനെ പോകാനാണ് ആഗ്രഹമെന്നും പറഞ്ഞു. പഠിത്തം കൃത്യമായി കൊണ്ടു പോകുമോ എന്നാണ് അദ്ദേഹം എന്നോട് ചോദിച്ചത്. തീർച്ചയായും കൊണ്ടു പോകുമെന്ന് ഞാൻ ഉറപ്പ് പറഞ്ഞു. സത്യത്തിൽ ഞാൻ ഹൈസ്‌കൂൾ ഡ്രോപ്പ് ഔട്ടാണ്. ചിലർക്ക് പഠിത്തം വരില്ല. എനിക്ക് വന്നില്ല.
അതിൽ കുഴപ്പമൊന്നുമില്ല. ഞാൻ പത്താം ക്ലാസിൽ തോറ്റതാണ്. വീണ്ടും ശ്രമിച്ചു നോക്കി. പക്ഷെ വീണ്ടും തോറ്റു. നാണക്കേട് തോന്നി. ഞാനൊരു വിഡ്ഢിയാണോ എന്നും തോന്നി. ശ്രമിച്ച് നോക്കി പറ്റുന്നില്ല. പഠിത്തം എനിക്ക് പറ്റുമെന്ന് തോന്നുന്നില്ല. പക്ഷെ ഞാൻ വെറുതെയിരിക്കില്ലെന്ന് അച്ഛനോട് പറഞ്ഞു.
എന്ത് ചെയ്യാനാണ് താത്പര്യമെന്ന് ചോദിച്ചപ്പോൾ കോളേജിൽ പോകണമെന്നാണ് ഞാൻ പറഞ്ഞത്. സ്‌കൂൾ പൂർത്തിയാകാതെ എങ്ങനെ കോളേജിൽ പോകുമെന്ന് അച്ഛൻ ചോദിച്ചു. പക്ഷേ അതിനും ഒരു വഴി എനിക്കുണ്ടായിരുന്നു. സിംഗപ്പൂരിൽ ഒരു യൂണിവേഴ്‌സിറ്റിയുണ്ട്. അവിടെ ഒരു ഡാൻസ് കോഴ്‌സുണ്ട്.
അവിടെ അഡ്മിഷൻ കിട്ടാൻ സ്‌കൂൾ പൂർത്തിയാക്കണ്ട. അവരുടെ എക്‌സാം ഉണ്ട്. അത് പാസായാൽ മതി. അങ്ങനെ വന്നാൽ എനിക്ക് കോളേജിലും പോകാനും ഡാൻസർ ആകാനും പറ്റുമെന്ന് പറഞ്ഞു. പിന്നെ അതിനായുള്ള ശ്രമമായിരുന്നു. ട്രെയ്‌നിംഗ് നന്നായി നടന്നു. എ പ്ലസൊക്കെ കിട്ടി. ഇത് സ്‌കൂളിൽ പഠിക്കുമ്പോഴേ നോക്കിയിരുന്നുവെങ്കിൽ നന്നായേനെ എന്നൊക്കെ തോന്നിയിരുന്നു.
എന്നാൽ ആ ഇടയ്ക്ക് വെച്ച് കാലിന് നല്ല പരിക്കേറ്റു. ഗുരുതരമായ പരുക്കായിരുന്നു. ഡാൻസ് ചെയ്യുമ്പോൾ ഒരു പില്ലറിൽ കാൽ പോയി അടിച്ചതായിരുന്നു. ആറ് മാസം ബെഡ് റെസ്റ്റ്. അതോടെ എന്റെ സ്വപ്നം തകർന്നു.
മനസാകെ തകർന്നു പോയി. അതിന് ശേഷമാണ് ബോംബെയിലേക്ക് പോകുന്നത് .അവിടെ വച്ചാണ് ജോലി ആരംഭിക്കുന്നത്. അതിനുള്ള സ്‌പേസും അവർക്ക് എനിക്ക് തന്നിട്ടുണ്ട്.
അമ്മ നാലാം വയസ് മുതൽ അഭിനയിക്കുകയാണ്. പാവം സ്‌കൂളിൽ പോയിട്ടേയില്ല. അതായിരുന്നു വീട്ടിലെ സാഹചര്യം അങ്ങനെയായിരുന്നു. ഫിലിം ഇൻഡസ്ട്രിയായിരുന്നു അവരുടെ സ്‌കൂൾ. എനിക്ക് പറ്റിയില്ല, നിങ്ങൾക്ക് സാധിക്കണമെന്നുണ്ടായിരുന്നു. പക്ഷെ ചിലർക്ക് പഠിപ്പ് വരും. മറ്റ് ചിലർക്ക് അത് ഒത്തു വരില്ല.
നിങ്ങൾക്ക് എന്താണോ അനുയോജ്യമായത്, അത് കണ്ടെത്തുക. അല്ലാതെ വെറുതെ ഇരിക്കരുത് എന്നാണ് അമ്മ പറഞ്ഞത് എന്നായിരുന്നു അക്ഷര ഹാസൻ പറഞ്ഞത്. പിന്നാലെ നിരവധി പേരാണ് അക്ഷരയ്ക്ക് പിന്തുണയുമായി രംഗത്തെത്തിയിരുന്നത്. അക്ഷര പറഞ്ഞത് സത്യമാണെന്നാണ് പലരും പറഞ്ഞത്.
