സംവിധായകനെന്ന നിലയില്‍ നിങ്ങളുടെ കഴിവ് എന്നെ അത്ഭുതപ്പെടുത്തുന്നു അച്ചുവായി എന്നെ തിരഞ്ഞെടുത്ത എത്ര നന്ദി പറഞ്ഞാലും മതിയാവില്ല ; അഹാന
അനൂപ് സത്യന് ശേഷം സത്യന് അന്തിക്കാടിന്‍റെ മറ്റൊരു മകന്‍ കൂടി സംവിധായകനായി എത്തിയ ചിത്രമാണ് പാച്ചുവും അത്‌ഭുത വിളക്കും. ഒരു നവാഗത സംവിധായകന്‍ എന്ന നിലയില്‍ പ്രതീക്ഷ പകര്‍ന്നുകൊണ്ടാണ് അഖില്‍ സത്യന്‍റെ അരങ്ങേറ്റം എന്നത് പറയാതിരിക്കാനാവില്ലണ്. ഫഹദിനെ നായകനാക്കി ഒരുക്കിയ പാച്ചുവും അത്ഭുവിളക്കും മികച്ച പ്രതികരണവുമായി മുന്നേറുകയാണ്.
കുടുംബ പ്രേക്ഷകര്‍ക്ക് ഇഷ്ടമാവുന്ന തരത്തിലുള്ള ചിത്രമാണ് ഇത്. എല്ലാതരം കഥാപാത്രങ്ങളെയും സിംപിളായി തന്നിലേക്ക് ആവാഹിക്കാറുള്ള ഫഹദ് ഇത്തവണയും ഞെട്ടിച്ചെന്നായിരുന്നു ആരാധകര്‍ പറഞ്ഞത്. ഫഹദിനൊപ്പമായി അഹാനയും ചിത്രത്തില്‍ പ്രത്യക്ഷപ്പെട്ടിരുന്നു. അതിഥിയായി തന്നെ ഈ സിനിമയിലേക്ക് വിളിച്ച അഖിലിന് നന്ദി അറിയിച്ചെത്തിയിരിക്കുകയാണ് അഹാന കൃഷ്ണ.
തിയേറ്ററില്‍ നിങ്ങളെ സര്‍പ്രൈസ് ചെയ്യിക്കാന്‍ കഴിഞ്ഞതില്‍ എനിക്ക് സന്തോഷമുണ്ട്. എന്നെ കണ്ടതിന്റെ സന്തോഷം പറഞ്ഞ് ഒരുപാട് കോളുകളും മെസ്സേജുകളും എനിക്ക് വരുന്നുണ്ട്. അതിഥി താരമായി എത്താന്‍ കിട്ടുന്ന അവസരങ്ങളൊന്നും ഞാന്‍ പാഴാക്കാറില്ല. എനിക്ക് കിട്ടിയ അതിഥി വേഷങ്ങളില്‍ മികച്ചത് തന്നെയാണ് അച്ചുവും. ഈ ചെറിയ വേഷത്തിനായി എന്നെ തിരഞ്ഞെടുത്ത അഖില്‍ സത്യനോട് എത്ര നന്ദി പറഞ്ഞാലും മതിയാവില്ല. സന്തോഷത്തോടെയാണ് ഞാന്‍ അദ്ദേഹത്തോട് യെസ് പറഞ്ഞത്.
ചെറിയ കഥാപാത്രമാണെങ്കിലും മനോഹരമായ ഈ ചിത്രത്തിന്റെ ഭാഗമാവാന്‍ കഴിഞ്ഞതില്‍ ഒരുപാട് സന്തോഷമുണ്ട്. നിങ്ങളുടെ ആദ്യ സിനിമ തന്നെ സൂപ്പര്‍ ഡ്യൂപ്പര്‍ ഹിറ്റാണ്. അതിലും എനിക്ക് സന്തോഷമുണ്ട്. സംവിധായകനെന്ന നിലയില്‍ നിങ്ങളുടെ കഴിവ് എന്നെ അത്ഭുതപ്പെടുത്തുന്നു. ഇന്നസെന്റ് അങ്കിളിനൊപ്പം അഭിനയിക്കാന്‍ അവസരം തന്നതിന് നന്ദി. ഇക്കാര്യത്തില്‍ എന്നും എനിക്ക് നിങ്ങളോട് കടപ്പാടുണ്ടായിരിക്കും. ഇനിയങ്ങോട്ടുള്ള സിനിമകളും മികച്ചതായിരിക്കട്ടെ എന്ന് ആശംസിക്കുന്നു.
ഫഹദിനൊപ്പം അഭിനയിച്ചത് നല്ലൊരു അനുഭവമായിരുന്നു. ഞാന്‍ അദ്ദേഹത്തിന്റെ ഫാനായിരുന്നു. ഒന്നിച്ച് അഭിനയിച്ചപ്പോള്‍ അദ്ദേഹത്തോടുള്ള ഇഷ്ടം കൂടി. മൂന്നാം വാരത്തിലും ഗംഭീരമായി മുന്നേറുന്ന ചിത്രത്തിന് എല്ലാവിധ ആശംസകളും. ഈ സിനിമ നിങ്ങളെ ചിരിപ്പിക്കുകയും ചിന്തിപ്പിക്കുകയും ചെയ്യും. മനോഹരമായ ഈ സിനിമ മിസ്സാക്കരുതെന്നുമായിരുന്നു അഹാന കുറിച്ചത്. നിരവധി പേരായിരുന്നു പോസ്റ്റിന് താഴെയായി സ്നേഹം അറിയിച്ചെത്തിയത്.
ഷൈന്‍ ടോം ചാക്കോയും അഹാനയും നായികനായികന്‍മാരായെത്തിയ അടി മികച്ച വിജയം സ്വന്തമാക്കിയിരുന്നു. നീണ്ട ഇടവേളയ്ക്ക് ശേഷമായാണ് ഞാന്‍ വീണ്ടും സിനിമയുമായി എത്തുന്നതെന്ന് അഹാന പറഞ്ഞിരുന്നു. കഥ കേട്ടപ്പോള്‍ തന്നെ ഓക്കെ പറഞ്ഞ ചിത്രമാണ് അടിയെന്നും താരപുത്രി വ്യക്തമാക്കിയിരുന്നു. അഭിനയപ്രാധാന്യമുള്ളതും പ്രേക്ഷകര്‍ക്ക് ഇഷ്ടമാവുന്ന തരത്തിലുള്ളതുമായ ക്യാരക്ടറുകള്‍ ചെയ്യാനാണ് ആഗ്രഹമെന്ന് അഹാന മുന്‍പ് പറഞ്ഞിരുന്നു.
