ദി ഗ്രേറ്റ് ഇന്ത്യൻ കിച്ചണിനമ്‍റെ ഹിന്ദി റീമേക്ക്; ചിത്രം കണ്ടതിന് ശേഷം അമ്മയോട് എൻറെ അച്ഛൻ മാപ്പ് പറഞ്ഞു; നടി

നിമിഷ സജയൻ, സുരാജ് വെഞ്ഞാറമൂട് എന്നിവരെ പ്രധാന കഥാപാത്രങ്ങളാക്കി ജിയോ ബോബി സംവിധാനം ചെയ്ത ചിത്രമാണ് ദി ഗ്രേറ്റ് ഇന്ത്യൻ കിച്ചൺ. ഏറെ കോളിളക്കം സൃഷ്ടിച്ച ചിത്രത്തിനെതിരെ പലകോണിൽ നിന്നും വിമർശനങ്ങൾ ഉയർന്ന് വന്നിരുന്നു. കഴിഞ്ഞ ദിവസമാണ് സിനിമയുടെ ഹിന്ദി റീമേക്കായ മിസിസ് സീ5 ൽ റിലീസ് ആയത്.

ബോളിവുഡ് നടി സന്യ മൽഹോത്രയാണ് ചിത്രത്തിൽ നായിക വേഷത്തിൽ എത്തുന്നത്. ചിത്രത്തിൻറെ പ്രമോഷൻറെ ഭാഗമായി ഫസ്റ്റ്‌പോസ്റ്റിന് നൽകിയ പ്രത്യേക അഭിമുഖത്തിൽ സന്യ മൽഹോത്ര ഈ ചിത്രം കണ്ടതിന് ശേഷം തൻറെ അമ്മയോട് തൻറെ അച്ഛൻ മാപ്പ് പറഞ്ഞെന്ന് വെളിപ്പെടുത്തിയിരുന്നു.

ചിത്രത്തിലെ വീട്ടമ്മയുടെ ക്യാരക്ടർ ശരിക്കും സമൂഹത്തിൽ കാണുന്ന ഒരാളാണ്. എന്നാൽ അത്തരം ഒരാളായി ഞാനോ, എൻറെ ചുറ്റുമുള്ള സ്ത്രീകളോ മാറരുത് എന്നതാണ് ഞാൻ ആഗ്രഹിക്കുന്നത്. സിനിമ കണ്ടതിന് പിന്നാലെ എൻറെ അച്ഛൻ അമ്മയോട് വന്ന് ക്ഷമ ചോദിച്ചതാണ് എന്നെ സംബന്ധിച്ച് ഈ ചിത്രത്തിലെ ഏറ്റവും വലിയ പാഠം എന്നാണ് സന്യ പറഞ്ഞത്.

ഒരു സ്വയം നവീകരണമാണ് ഈ ചിത്രമെന്നും സന്യ പറഞ്ഞു. ഫെബ്രുവരി 7 ന് സീ5 ൽ മിസിസ് ഡിജിറ്റലായി റിലീസ് ചെയ്തിരിക്കുന്നത്. നിതാ സംവിധായിക ആരതി കദവ് സംവിധാനം ചെയ്ത ഈ ചിത്രം നിർമ്മിച്ചിരിക്കുന്നത് ജിയോ സ്റ്റുഡിയോസിൻ്റെ ബാനറിൽ ജ്യോതി ദേശ്പാണ്ഡെയാണ്. ഗ്രേറ്റ് ഇന്ത്യൻ കിച്ചൻ ഇതിനകം തന്നെ പാൻ ഇന്ത്യ തലത്തിൽ ശ്രദ്ധേയമായ ചിത്രമാണ്. എന്നാൽ വലിയ മാറ്റങ്ങളടെയാണ് മിസിസ് എത്തുന്നത് എന്നാണ് ട്രെയിലർ നൽകുന്ന സൂചന.

മിസിസ് 2023 താലിൻ ബ്ലാക്ക് നൈറ്റ്‌സ് ഫിലിം ഫെസ്റ്റിവലിൽ പ്രീമിയർ ചെയ്തിരുന്നു. 2024 ന്യൂയോർക്ക് ഇന്ത്യൻ ഫിലിം ഫെസ്റ്റിവലില് ക്ലോസിംഗ് ഫിലിം ആയിരുന്നു മിസിസ്. ആരതി കദവാണ് ചിത്രം സംവിധാനം ചെയ്തിരിക്കുന്നത്. ദി ഗ്രേറ്റ് ഇന്ത്യൻ കിച്ചൺ എന്ന ചിത്രത്തിലൂടെ ജിയോ ബേബിയ്ക്ക് സംസ്ഥാന അവാർഡും ലഭിച്ചിരുന്നു.