ബോൾഡ് ഫാഷൻ സ്റ്റേറ്റ്മെന്റുകൾ കൊണ്ട് നിരവധി പേരുടെ കയ്യടിയും വിമർശനവും ഒരേസമയം ഏറ്റുവാങ്ങിയ താരമാണ് ഉർഫി ജാവേദ്. ഉര്ഫിയുടെ വ്യത്യസ്തമായ പല ഫാഷന് ചോയ്സുകളും വാര്ത്തകളില് ഇടം നേടാറുണ്ട്. എല്ലാവരുടെയും ശ്രദ്ധ നേടാന് വേണ്ടിയാണ് താന് ഇങ്ങനെ വസ്ത്രം ധരിക്കുന്നതെന്ന് തുറന്ന് പറയുകയാണ് ഉര്ഫി
ഞാന് ജനപ്രീതി നേടിയോ? അതെ. പ്രശസ്തി? അതെ. ജോലിയോ? ഇല്ല. ആളുകള് എന്നെ ബഹുമാനിക്കുന്നില്ല. ആളുകള് എന്നോടൊപ്പം പ്രവര്ത്തിക്കാന് ആഗ്രഹിക്കുന്നില്ല, എനിക്ക് എല്ലാവരുടെയും ശ്രദ്ധ വേണം. അതിനു വേണ്ടിയാണ് ഞാന് നിലവിളിക്കുന്നത്. ഇങ്ങനെ വസ്ത്രം ധരിക്കുന്നത്.
”ഞാന് മനുഷ്യനാണ്, അതിനാല് ട്രോളുകള് കാണുമ്പോള് ഞാന് അസ്വസ്ഥനാണ്. എന്നാല് അത് 5-10 മിനിറ്റ് വരെ നീണ്ടുനില്ക്കുകയുള്ളു, പിന്നീട് ഞാന് എന്നോട് തന്നെ പറയും അവര് വൃത്തികെട്ടവരാണ്. നീ വളരെയധികം സുന്ദരിയാണ് സ്വയം പറയും” എന്നാണ് ഉര്ഫി പറയുന്നത്. അടുത്തിടെ നല്കിയ ഒരു അഭിമുഖത്തിലാണ് ഉര്ഫി സംസാരിച്ചത്.
അതേസമയം, തന്റെ വസ്ത്രധാരണം കൊണ്ട് ബുദ്ധിമുട്ടിയവരോട് മാപ്പ് ചോദിച്ച് ഉര്ഫി രംഗത്തെത്തിയിരുന്നു. വസ്ത്രത്തില് മാറ്റങ്ങളുണ്ടാകാന് പോകുന്നു എന്നൊരു ട്വീറ്റുമായി ഉര്ഫി ഞെട്ടിച്ചിരുന്നു.
‘ഞാന് ധരിക്കുന്ന വസ്ത്രങ്ങളുടെ പേരില് ബുദ്ധിമുട്ട് അനുഭവിച്ചവരോട് ക്ഷമ ചോദിക്കുന്നു. ഇനി മുതല് നിങ്ങള് കാണാന് പോകുന്നത് മറ്റൊരു ഉര്ഫിയെ ആയിരിക്കും. വസ്ത്രത്തില് മാറ്റങ്ങളുണ്ടാകാന് പോകുന്നു” എന്നായിരുന്നു ഉര്ഫിയുടെ പുതിയ ട്വീറ്റ്. എന്നാല് വിചിത്രമായ ഉര്ഫിയുടെ വസ്ത്രധാരണത്തില് മാറ്റമൊന്നും വന്നിട്ടില്ല.