Connect with us

തിരക്കേറിയ ഷെഡ്യൂളുകളും പ്രമോഷനുകളും എന്നെ ബാധിച്ചു,.. ഞാന്‍ പനി ബാധിതയാണ്, എന്റെ ശബ്ദം നഷ്ടപ്പെട്ടു; സാമന്ത

Actress

തിരക്കേറിയ ഷെഡ്യൂളുകളും പ്രമോഷനുകളും എന്നെ ബാധിച്ചു,.. ഞാന്‍ പനി ബാധിതയാണ്, എന്റെ ശബ്ദം നഷ്ടപ്പെട്ടു; സാമന്ത

തിരക്കേറിയ ഷെഡ്യൂളുകളും പ്രമോഷനുകളും എന്നെ ബാധിച്ചു,.. ഞാന്‍ പനി ബാധിതയാണ്, എന്റെ ശബ്ദം നഷ്ടപ്പെട്ടു; സാമന്ത

അടുത്തതായി സാമന്ത റൂത്ത് പ്രഭുവിന്‍റ റിലീസ് ചെയ്യാനുള്ള ചിത്രമാണ് ‘ശാകുന്തളം’. ചിത്രത്തിന്‍റെ പ്രമോഷന്‍ പരിപാടികളില്‍ സജീവമായിരുന്ന സാമന്ത ഇപ്പോള്‍ പ്രമോഷന്‍ പരിപാടികളില്‍ നിന്നും വിട്ടു നില്‍ക്കുകയാണ്. തന്റെ ശബ്ദം വരെ നഷ്ടപ്പെട്ടിരിക്കുകയാണ് എന്ന് അറിയിച്ചിരിക്കുകയാണ് താരം ഇപ്പോള്‍.

”നിര്‍ഭാഗ്യവശാല്‍ തിരക്കേറിയ ഷെഡ്യൂളുകളും പ്രമോഷനുകളും എന്നെ ബാധിച്ചു, ഞാന്‍ പനി ബാധിതയാണ്. എന്റെ ശബ്ദം നഷ്ടപ്പെട്ടു” എന്നാണ് സാമന്ത ട്വീറ്റ് ചെയ്തിരിക്കുന്നത്. അടുത്തിടെയാണ് മയോസൈറ്റിസ് എന്ന രോഗത്തില്‍ നിന്നും സാമന്ത സുഖം പ്രാപിച്ചത്.

വീണ്ടും താരത്തിന് രോഗം വന്നതില്‍ ആശങ്കയിലാണ് ആരാധകര്‍. സാമന്തയുടെ ആരോഗ്യനില പരിഗണിച്ച് സംവിധായകന്‍ ദില്‍ രാജു ബുധനാഴ്ച രാത്രി നടത്താനിരുന്ന ശാകുന്തളം സിനിമയുടെ പ്രീമിയര്‍ ഷോ റദ്ദാക്കിയെന്നും വിവരമുണ്ട്. എന്നാല്‍ ചൊവ്വാഴ്ച സിനിമയുടെ പ്രത്യേക സ്‌ക്രീനിംഗ് നടന്നിരുന്നു.
സാമന്തയുടെ ‘ശാകുന്തളം’ ഏപ്രില്‍ 14ന് തിയേറ്ററുകളില്‍ എത്തുകയാണ്.

കാളിദാസന്റെ ‘അഭിജഞാന ശാകുന്തളം’ ആസ്പദമാക്കിയാണ് ശാകുന്തളം ഒരുക്കിയിരിക്കുന്നത്. ദേവ് മോഹന്‍ ആണ് ചിത്രത്തില്‍ ദുഷ്യന്ത്യന്‍ ആയി വേഷമിടുന്നത്. മലയാളം, കന്നഡ, ഹിന്ദി, തമിഴ്, തെലുങ്ക് ഉള്‍പ്പടെ അഞ്ച് ഭാഷകളില്‍ ഒരുങ്ങുന്ന ശാകുന്തളം ത്രീഡിയില്‍ ആണ് റിലീസ് ചെയ്യുക.

‘ശകുന്തള’യുടെ വീക്ഷണകോണില്‍ നിന്നുള്ളതായിരിക്കും ചിത്രം. അല്ലു അര്‍ജുന്റെ മകള്‍ അര്‍ഹ, സച്ചിന്‍ ഖേഡേക്കര്‍, കബീര്‍ ബേദി, ഡോ. എം മോഹന്‍ ബാബു, പ്രകാശ് രാജ്, മധുബാല, ഗൗതമി, അദിതി ബാലന്‍, അനന്യ നാഗല്ല, ജിഷു സെന്‍ഗുപ്ത എന്നിവരാണ് ചിത്രത്തില്‍ മറ്റ് കഥാപാത്രങ്ങളെ അവതരിപ്പിച്ചിരിക്കുന്നത്.

More in Actress

Trending

Mala