ആ സമയത്ത് പലരോടും മോശമായി പെരുമാറിയിട്ടുണ്ട്, ആളുകളെ കരയിപ്പിച്ചിട്ടുണ്ട്, എട്ടു വര്‍ഷം മുന്‍പാണ് മദ്യപാനം നിര്‍ത്തിയത്; ധ്യാൻ ശ്രീനിവാസൻ തുറന്ന് പറയുന്നു

ജീവിതത്തിലെ മോശം കാലഘട്ടത്തെക്കുറിച്ച് തുറന്നുപറഞ്ഞ് സംവിധായകനായും തിരക്കഥാകൃത്തായും നടനുമായ ധ്യാന്‍ ശ്രീനിവാസൻ

തനിക്ക് പണ്ട് മദ്യപിക്കുന്ന ശീലമുണ്ടായിരുന്നുന്നെന്നാണ് നടന്‍ പറയുന്നത്. ആ സമയത്ത് പലരെയും വേദനിപ്പിച്ചിട്ടുണ്ടെന്നും പലരെയും കരയിച്ചുട്ടുണ്ടെന്നും ധ്യാന്‍ ശ്രീനിവാസന്‍ കൂട്ടിച്ചേര്‍ത്തു. എട്ടു വര്‍ഷം മുന്‍പ് മദ്യപാനം നിര്‍ത്തിയെന്നു താരം പറഞ്ഞു.

മദ്യപിച്ചിരുന്ന സമയത്ത് ഒരുതരം ഡ്യുവല്‍ പേഴ്‌സണാലിറ്റി പോലെയായിരുന്നു. ആ സമയത്ത് പലരോടും മോശമായി പെരുമാറിയിട്ടുണ്ട്. ഞാന്‍ ആളുകളെ കരയിപ്പിച്ചിട്ടുണ്ട്. നാലഞ്ച് പേരൊക്കെ ഉള്ള സ്ഥലത്തായാലും ഞാന്‍ ഈ രീതിയില്‍ പെരുമാറാറുണ്ട്. ആദ്യം കുറെ പൊക്കി സംസാരിച്ചിട്ട് പിന്നെ ഒറ്റയടിക്ക് അപമാനിച്ചു സംസാരിക്കും. അങ്ങനെയൊക്കെ സംസാരിച്ചാലേ അപ്പുറത്ത് നില്‍ക്കുന്നയാള്‍ ഇല്ലാതായിപ്പോകും. ഈ ഒരു പ്രശ്‌നം എനിക്കുണ്ടായിരുന്നു. എട്ടു വര്‍ഷം മുന്‍പാണ് മദ്യപാനം നിര്‍ത്തുന്നത്. മദ്യപിച്ചിരുന്ന സമയത്ത് പലരെയും അപമാനിച്ചിട്ടുണ്ട്. ധ്യാന്‍ കൂട്ടിച്ചേര്‍ത്തു.