മായ മൗഷ്മി ഇപ്പോൾ എവിടെയെന്ന് അറിയാമോ?താരമിപ്പോൾ പുതിയ അഥിതിയോടൊപ്പമുള്ള ലോകത്താണ്!

മലയാളികളുടെ പ്രിയപ്പെട്ട മിനിസ്ക്രീൻ ബിഗ്‌സ്‌ക്രീൻ താരങ്ങൾ വളരെ പെട്ടന്നാണ് അപ്രത്യക്ഷരാകുന്നത് അതുപോലെ സിനിമയിൽ നിന്നും പരമ്പരയിൽ നിന്നുമെല്ലാം മാറിനിന്ന താരമാണ് മായ മൗഷ്മി.വളരെ ഏറെ ആരധകരുള്ള താരമാണ് മായ മൗഷ്മി.ഒരുപക്ഷെ മലയാളികളെ കുടുകുടെ ചിരിപ്പിച്ച പകിട പകിട പമ്പരം എന്ന പരമ്പര മലയാളികൾ മറക്കാൻ ഇടയില്ല.അതിലുള്ള ഓരോ കഥാപാത്രങ്ങളും മലയാളികൾക്കേറെ ഇഷ്ട്ടമാണ്.അതിലുള്ള ഒരു കഥാപാത്രത്തെയും മലയാളികൾ മറക്കാനിടയില്ല.മായ മൗഷ്മി അതുപോലെ പരമ്പരയിൽ തിളങ്ങി നിന്ന നടിയാണ്.സിനിമാ സീരിയൽ നടി എന്നതിലുപരി ജീവിതത്തിലെ പല പ്രതിസന്ധിഘട്ടങ്ങളിലും ഉലയാതെ പിടിച്ചു നിന്ന് ജീവിതത്തിനോട് പോരാടിയ സ്ത്രീ കൂടിയാണ് മായ.

തിരുവനന്തപുരം സ്വദേശിയായ മായ ടെലിവിഷൻ സീരിയലുകൾക്ക് പുറമെ നിരവധി സിനിമകളിലും വേഷമിട്ടിട്ടുണ്ട്. ഇപ്പോൾ കുറച്ചു നാളായി അഭിനയത്തോട് ഇടവേള എടുത്ത താരം എവിടെ എന്നുള്ള ചോദ്യങ്ങൾ നിരവധി ആരാധകരാണ് സോഷ്യൽ മീഡിയയിലും മറ്റുമായി പങ്കിട്ടത്. ഒരു നടി ഇൻഡസ്ട്രിയിൽ നിന്നും മാറി നിൽക്കുമ്പോൾ തന്നെ അവരെ പറ്റി നൂറായിരം ഗോസിപ്പുകളാണ് പുറത്ത് വരുക പതിവ്.എന്നാൽ ഒറ്റ ഗോസിപ്പുകൾക്കും മറുപടി നൽകാതെ താരം തിരക്കിലായിരുന്നു. ജീവിതത്തിലെ പുതിയ അതിഥിയ്ക്കായി 24 മണിക്കൂറുകൾ മതിയാകാത്ത അവസ്ഥയിലാരുന്നു താരം.

ജീവിതത്തിലെ പുതിയ അതിഥി എന്ന് പറയുമ്പോൾ, തന്റെ കൊച്ചു രാജകുമാരി നിഖിതാഷയുടെ വളർച്ചയുടെ ഓരോ ഘട്ടങ്ങളും ആസ്വദിക്കുന്ന തിരക്കിലായിരുന്നു താനെന്ന് ഒരു സ്വകര്യ അഭിമുഖത്തിന് നൽകിയ അഭിമുഖത്തിൽ താരം പറയുന്നു.

” ഒരു വലിയ ലീവ് എടുത്തിരിക്കുകയായിരുന്നു, ഞാൻ. ലീവ് എന്ന് പറഞ്ഞാൽ, എനിക്ക് ഒരു മകൾ കൂടി ജനിച്ചു നിഖിതാഷ. അവൾ വലുതാകുന്നതിനുള്ള കാത്തിരിപ്പിലാണ് ഞാൻ. ഇപ്പോൾ അവൾക്ക് അഞ്ച് വയസ്സായി. മോൾ സ്‌കൂളിൽ പോയി തുടങ്ങി. ഇനിയിപ്പോൾ ഞാൻ അഭിനയത്തിലേക്ക് വരാൻ ഒരുക്കമാണ്. നല്ലൊരു ശക്തമായ കഥാപാത്രത്തിനായുള്ള കാത്തിരിപ്പിലാണ് ഞാൻ, അത് കിട്ടും എന്ന് തന്നെയാണ് പ്രതീക്ഷ”, മായ പറയുന്നു.

സീരിയലുകൾ വഴിയാകുമോ മടങ്ങി വരവ് എന്ന ചോദ്യത്തിന് അങ്ങനെ ആകില്ല. എന്ന ഉത്തരമാണ് മായ നൽകിയത്. ” സീരിയലുകൾ ഉടൻ ഏറ്റെടുക്കാൻ പറ്റില്ല. അവസരങ്ങൾ വരുന്നുണ്ടെങ്കിലും ഇപ്പോൾ, ഞാൻ ഇമ്പോർട്ടൻസ് നൽകുന്നത് മോൾക്കും കുടുംബത്തിനും വേണ്ടിയാണ്. അവൾ കുഞ്ഞല്ലേ.. അവൾ വലുതായ ശേഷം ആലോചിക്കാം. മാത്രമല്ല സീരിയലുകൾ രണ്ടു മൂന്നു വർഷമെങ്കിലും വേണ്ടിവരും. അത് മകളുടെ കാര്യങ്ങൾ ശ്രദ്ധിക്കാൻ തടസ്സവുമാകും. അല്ലാതെ സീരിയലുകളോട് മുഖം തിരിക്കുന്നതല്ല. നല്ല സിനിമകൾ വരട്ടെ. നല്ല കഥാപത്രങ്ങൾ. സൈഡ് റോളുകൾ അല്ലാത്ത ശക്തമായ ഒരു കഥാപാത്രം ലഭിക്കട്ടെ. അതിനായി ക്ഷമയോടെ കാത്തിരിക്കാൻ ഞാൻ റെഡിയാണ്. ഗ്ലാമറസ് ആയതോ, വെറുതെ വന്നു പോകുന്ന ഒരു കഥാപാത്രത്തിനോടോ എനിയ്ക്ക് ഒട്ടും താത്പര്യം ഇല്ല;മികച്ചത് വരട്ടെ”, അഭിനയത്തെ പറ്റി മായ മൗഷ്മി വാചാലയായി.

ഈ പേരിലെ മൗഷ്മി എന്താണ് എന്നുള്ള സംശയം നിരവധി പ്രേക്ഷകർക്ക് ഉണ്ടായിരുന്നല്ലോ, നോർത്ത് ഇന്ത്യൻ ആണോ എന്ന്‌ തിരക്കിയപ്പോഴും മായ ചിരിച്ചുകൊണ്ടാണ് മറുപടി നൽകിയത്. അയ്യോ അത് ഞാൻ നോർത്ത് ഇന്ത്യക്കാരി ഒന്നുമല്ല. ചേട്ടന്റെ പേര്‌ മനോജ് എന്നാണ്, പിന്നെ അച്ഛനും അമ്മയ്ക്കും ഒരു വെറൈറ്റി പേര്‌ എനിയ്ക്കായി ഇടണം എന്നുണ്ടായിരുന്നു, അങ്ങനെയാണ് ഞാൻ മായ മൗഷ്മി ആയി മാറിയത്”, മായ പറഞ്ഞു നിർത്തി.

മാർക്കറ്റിങ് ഹെഡായി ജോലി നോക്കുന്ന വിപിൻ ആണ് മായയുടെ ഭർത്താവ്; അമൻ മകനും. ബാബ കല്യാണി, രൗദ്രം തുടങ്ങിയ സിനിമകളില്‍ മായവേഷമിട്ട മായ 25 ൽ അധികം ചലച്ചിത്രങ്ങളിലും, നാൽപ്പതിൽ അധികം ടെലിവിഷൻ പരമ്ബരകളിലും അഭിനയിച്ചിട്ടുണ്ട്.

about maya moushmi