നിങ്ങളുടെ മകളെ കുറിച്ച് നിങ്ങൾക്ക് ഒരു കാര്യം ഉറപ്പിക്കാം….ഒരിക്കലും തളർന്ന് ഇരുന്നിട്ടില്ല; അഭയ ഹിരണ്മയി

വ്യത്യസ്തമായ ആലാപന ശൈലിയിലൂടെ മലയാളികള്‍ക്ക് പ്രിയങ്കരിയായി മാറിയ ഗായികയാണ് അഭയ ഹിരണ്‍മയി. വളരെ കുറച്ചു സിനിമകളിലെ പാടിയിട്ടുള്ളു എങ്കിലും തന്റെ വേറിട്ട ശബ്ദം കൊണ്ട് സമകാലീനരില്‍ നിന്ന് വ്യത്യസ്തയാകാന്‍ അഭയക്ക് കഴിഞ്ഞിട്ടുണ്ട്. ഗായിക എന്നതിലുപരി അവതാരകയായും മോഡലായുമെല്ലാം അഭയ തിളങ്ങിയിട്ടുണ്ട്. ഇപ്പോഴിതാ അച്ഛന്റെ ഓർമ്മകളിൽ അഭയ പങ്കിട്ട വാക്കുകൾ ശ്രദ്ധ നേടുകയാണ്

സംഭവബഹുലമായ 2 വര്ഷം.നഷ്ടങ്ങളുടെയും വേദനകളുടെയും കണക്കെടുപ്പിൽ ഏതാണ് മികച്ച നഷ്ടം എന്ന് മനസിലാക്കാൻ വലിയ കഷ്ടപ്പാടൊന്നും ഉണ്ടായില്ല.ഇപ്പൊ ഒക്കെ എഴുതുമ്പോഴോ അച്ഛനെക്കുറിച്ചു സംസാരിക്കുമ്പോഴോ കണ്ണുകൾ നിറയുന്നില്ല എന്ന വളര്ച്ചയിലേക്ക് എത്തിയിട്ടുണ്ട് ..ചിലപ്പോ ഇതു മരണം വരെയുള്ള വേദനയായതുകൊണ്ടാകാം…പൊരുത്തപെട്ടിട്ടുണ്ട്- അഭയ കുറിച്ചു

നിങ്ങളുടെ മകളെ കുറിച്ച് നിങ്ങൾക്ക് ഒരു കാര്യം ഉറപ്പിക്കാം..ഒരിക്കലും തളർന്നു ഇരുന്നിട്ടില്ല ഇരുന്നപ്പോഴൊക്കെ ഇരട്ട കരളോടെ ഉയർന്നു വരാൻ ശ്രമിച്ചിട്ടേ ഉള്ളു. നിങ്ങളുടെ മകൾ അവളുടെ മഹത്തായ യാത്ര ആരംഭിച്ചു, അവൾ ഒരു വജ്രം പോലെ തിളങ്ങാൻ തുടങ്ങിയിരിക്കുന്നു…നിങ്ങൾ എപ്പോഴും എന്നെക്കുറിച്ച് സ്വപ്നം കണ്ടതുപോലെ ഞാൻ എത്തും. അതിൽ നിങ്ങൾക്ക് അഭിമാനിക്കാം അച്ഛാ. അധികം വൈകാതെ. പറയാൻ ആകാത്ത അത്രയും ഞാൻ നിങ്ങളെ സ്നേഹിക്കുന്നു.

എല്ലായ്പ്പോഴും എന്നപോലെ ഈ ചിത്രത്തിലും നിങ്ങൾ വളരെ സുന്ദരനാണ്. #2yearsofvoid#unbearablepain#wehearyou#iknowyou#loveyou#prouddaughter തുടങ്ങിയ ഹാഷ് ടാഗോടുകൂടി അഭയ ഇൻസ്റ്റയിൽ കുറിച്ചു. നിങ്ങൾ എന്നും പൊളിയല്ലേ എന്നാണ് അഭയയുടെ പോസ്റ്റ് കണ്ട ആരാധകർ പറയുന്നത്. ചുരുങ്ങിയ സമയം കൊണ്ട് നിരവധി ആളുകൾ ആണ് അഭയയുടെ പോസ്റ്റിനു ലൈക്കും കമന്റുകളുമായി എത്തുന്നത്.

അച്ഛൻ മരിച്ചപ്പോൾ ഉണ്ടായ വേദനയെ എങ്ങിനെ അതിജീവിക്കണം എന്ന് എനിക്ക് അറിയില്ലായിരുന്നു. ഭയങ്കര ഡിപ്രഷനിലേക്ക് പോയി. ഭൂമിയില്‍ നമ്മളെ ഏറ്റവും കൂടുതല്‍ ഇഷ്ടപ്പെടുന്ന രണ്ട് വ്യക്തികളാണ് അച്ഛനും അമ്മയും. അതിലൊരാള്‍ പോയി. ആ വേദന സഹിക്കുന്നതിനും അപ്പുറം ആയിരുന്നു എന്ന് അഭയ തുറന്നുപറഞ്ഞിട്ടുണ്ട്.

മൂത്തവളേ എന്നാണ് തന്നെ അച്ഛന്‍ വിളിക്കുന്നത് എന്നും ഒരിക്കൽ അഭയ പറഞ്ഞിരുന്നു. കിടക്കുമ്പോള്‍ തന്നെ അല്പം തള്ളിമാറ്റി അടുത്ത് വന്ന് കിടക്കുന്ന അച്ഛന്‍, തന്റെ തലയില്‍ മെല്ലെ തടവും. അതാണ് അവസാന കാലത്തെ അച്ഛനെ കുറിച്ചുള്ള ഏറ്റവും മനോഹരമായ ഓര്‍മ. അധികം സംസാരിക്കാറുണ്ടായിരുന്നില്ല അച്ഛൻ എന്നും അഭയ മുൻപ് പറഞ്ഞിട്ടുണ്ട്.