ദിലീപ് കേസ്;സിദ്ദിഖിന്റേയും ബിന്ദു പണിക്കരുടേയും സാക്ഷിവിസ്താരം മാറ്റിവച്ചു!

നടിയെ ആക്രമിച്ച കേസില്‍ നടന്‍ സിദ്ദിഖിന്റേയും നടി ബിന്ദു പണിക്കരുടേയും സാക്ഷിവിസ്താരം മാറ്റിവെച്ചതായാണ് ഏറ്റവും പുതിയതായി വരുന്ന വാർത്തകൾ.ബിന്ദു പണിക്കരുടെ വിസ്താരം തിങ്കളാഴ്ചത്തേക്ക് മാറ്റിയിരിക്കുകയാണ്. പ്രോസിക്യൂട്ടര്‍ ഹാജരാകാത്തതിനെ തുടര്‍ന്നാണ് വിസ്താരം മാറ്റിവെച്ചത്.എന്നാൽ സിദ്ദിഖിനെ വിസ്തരിക്കുന്ന തീയതി പിന്നീട് അറിയിക്കുമെന്ന് കോടതി അറിയിച്ചു.

നടി ഭാമയുടെ സാക്ഷി വിസ്താരവും ഇന്നലെ മാറ്റിവെച്ചിരുന്നു. മൊഴി നല്‍കാനായി ഭാമ ഇന്നലെ കൊച്ചിയിലെ കോടതിയില്‍ എത്തിയിരുന്നെങ്കിലും പ്രോസിക്യൂഷന്‍ അസൗകര്യം അറിയിച്ചതിനെ തുടര്‍ന്നാണ് വിസ്താരം മാറ്റിയത്.ആക്രമിക്കപ്പെട്ട നടിയോട് എട്ടാം പ്രതിയായ ദിലീപിനുണ്ടായിരുന്ന മുന്‍ വൈരാഗ്യത്തെക്കുറിച്ചാണ് ചലച്ചിത്ര പ്രവര്‍ത്തകരില്‍ നിന്ന് പ്രൊസിക്യൂഷന്‍ മൊഴിയെടുക്കുന്നത്. ദിലീപ് തന്റെ അവസരങ്ങള്‍ തട്ടിത്തെറിപ്പിക്കുന്നതായി ആക്രമണത്തിനിരയായ നടി നേരത്തെ മൊഴി നല്‍കിയിരുന്നതിന്റെ അടിസ്ഥാനത്തിലാണ് ഭാമയേയും സാക്ഷിയാക്കിയത്.

about dileep case