കേൾക്കാൻ നല്ല രസമുണ്ട് , പക്ഷെ … ; ആശങ്കകളുമായി സച്ചിൻ ടീസർ എത്തി !

കാത്തിരിപ്പിനൊടുവിൽ ജൂലൈ 19 നു സച്ചിൻ തിയേറ്ററുകളിലേക്ക് എത്തുകയാണ്. ധ്യാൻ ശ്രീനിവാസൻ നായകനാകുന്ന ചിത്രം സംവിധാനം ചെയ്തിരിക്കുന്നത് സന്തോഷ് നായർ ആണ് .

ക്രിക്കറ്റിന്റെ പശ്ചാത്തലത്തില്‍ ഹാസ്യത്തിന് പ്രാധാന്യം നല്‍കുന്ന ഒരു ഫാമിലി എന്റര്‍ടെയ്ന്‍മെന്റായാണ് ചിത്രം ഒരുക്കുന്നത്. ചിത്രത്തില്‍ സച്ചിന്‍ എന്ന കഥാപാത്രമായാണ് ധ്യാന്‍ എത്തുന്നത്. സച്ചിനോടുള്ള ആരാധനയുടെ പുറത്ത് അച്ഛന്‍ മകന് സച്ചിന്‍ എന്നു പേരിടുന്നതും, ക്രിക്കറ്റ് ആരാധകനായ മകനും അയാളുടെ പ്രണയവുമെല്ലാമാണ് സിനിമയുടെ പശ്ചാത്തലം.

ഇപ്പോൾ സിനിമയുടെ രണ്ടാമത്തെ ടീസർ എത്തിയിരിക്കുകയാണ്. ഇതുവരെ ക്രിക്കറ്റ് ആയിരുന്നു ചിത്രത്തിലെ ടീസറിലും ട്രെയിലറിലും ചർച്ച ആയതെങ്കിൽ പുതിയ ടീസറിൽ പ്രണയത്തിന്റെ ചില സങ്കീര്ണതയാണ് പറയുന്നത്.

രേഷ്മ അന്ന രാജനാണ് ചിത്രത്തിലെ നായിക. മണിയന്‍പിള്ള രാജു, മാല പാര്‍വതി, രശ്മി ബോബന്‍, സേതു ലക്ഷ്മി, ഹരീഷ് കണാരന്‍, രഞ്ജി പണിക്കര്‍, രമേഷ് പിഷാരടി, അപ്പാനി ശരത് എന്നിവരാണ് ചിത്രത്തിലെ മറ്റു താരങ്ങള്‍.

ചിത്രത്തിന്റെ തിരക്കഥ ഒരുക്കിയിരിക്കുന്നത് എസ്.എല്‍ പുരം ജയസൂര്യയാണ്. നീല്‍ ഡി.കുഞ്ഞയാണ് സച്ചിന് വേണ്ടി മനോഹരമായ ഫ്രെയിമുകൾ ഒരുക്കുന്നത്. ജൂഡ് ആഗ്നേല്‍, ജൂബി നൈനാന്‍ എന്നിവര്‍ ചിത്രം നിര്‍മ്മിച്ചിരിക്കുന്നു.

sachin movie second teaser