26 ദിവസങ്ങൾ 26 കാരക്ടർ പോസ്റ്ററുകൾ ! ലൂസിഫർ ഒരൊന്നൊന്നര വരവിനൊരുങ്ങി കഴിഞ്ഞു !

പ്രേക്ഷകർ കാത്തിരിക്കുന്ന ഗംഭീര ചിത്രമാണ് ലൂസിഫർ . പൃഥ്വിരാജ് സുകുമാരൻ ആദ്യമായി മോഹൻലാലിനെ നായകനാക്കി സംവിധാനം ചെയ്യുന്ന ചിത്രത്തിൽ മഞ്ജു വാര്യർ, ഇന്ദ്രജിത് സുകുമാരൻ , വിവേക് ഒബ്‌റോയ് , ടൊവിനോ തോമസ് , സാനിയ അയ്യപ്പൻ തുടങ്ങി ഒട്ടേറെ താരങ്ങൾ അണിനിരക്കുന്നു .

മാർച്ച് 28 നാണു ലൂസിഫർ തിയേറ്ററുകളിലേക്ക് എത്തുന്നത്. മുരളി ഗോപിയുടെ തിരക്കഥയിൽ ആന്റണി പെരുമ്പാവൂർ ആണ് ചിത്രം നിർമിക്കുന്നത്. സിനിമയുടെ പ്രഖ്യാപനം മുതൽ തന്നെ ചിത്രം വാർത്തകളിൽ നിറഞ്ഞിരുന്നു. പ്രിത്വിരാജിന്റെ സംവിധാന മികവ് ഇതിനിടയിൽ അഭിനേതാക്കളെല്ലാം വാനോളം പുകഴ്ത്തിയിരുന്നു .

വളരെ തഴക്കം വന്ന സംവിധായകനായാണ് പൃഥ്വിരാജ് സെറ്റിൽ ഉണ്ടായിരുന്നത് എന്ന് മോഹൻലാലും പറഞ്ഞു. നയൻ എന്ന ചിത്രം നിര്മിക്കുന്നതിനൊപ്പമാണ് ലൂസിഫർ പൃഥ്വിരാജ് സംവിധാനവും ചെയ്തത്. സ്വർഗത്തിൽ നിന്നും പുറത്താക്കപ്പെട്ട മാലാഖ എന്ന ഇതിവൃത്തത്തെ അനുബന്ധമാക്കിയാണ് ലൂസിഫർ എന്ന പൊളിറ്റിക്കൽ ത്രില്ലർ ഒരുക്കിയിരിക്കുന്നത്.

ഇപ്പോൾ മറ്റൊരു വാർത്തയാണ് ലൂസിഫർ റിലീസുമായി ബന്ധപെട്ടു പുറത്തു വരുന്നത്. മാർച്ച് 28 നു റിലീസ് ചെയ്യുന്ന ചിത്രത്തിന് ഫെബ്രുവരി 20 മുതൽ 28 വരെ 26 കാരക്റ്റർ പോസ്റ്റർ പുറത്തു വിടുമെന്നാണ് അണിയറ പ്രവർത്തകർ പറയുന്നത്. നയൻ എന്ന ചിത്രത്തിനായുള്ള പ്രൊമോഷൻ വലിയ രീതിയിൽ ശ്രദ്ധ നേടിയിരുന്നു . ഇനി ലൂസിഫറിനായി പൃഥ്വിരാജ് ഒരുക്കിയിരിക്കുക എന്താണെന്നു കാത്തിരിക്കുകയാണ് ആരാധകർ.

26 chracter posters of lucifer