മമ്മൂട്ടിയും സുഹാസിനിയും: മലയാളികളുടെ മനസ്സ് കീഴടക്കിയ പ്രണയ ജോഡി വീണ്ടും ഒന്നിക്കുന്നു ?!

മമ്മൂട്ടിയും സുഹാസിനിയും: മലയാളികളുടെ മനസ്സ് കീഴടക്കിയ പ്രണയ ജോഡി വീണ്ടും ഒന്നിക്കുന്നു ?!

മലയാളികൾക്ക് എന്നെന്നും ഓർമ്മയിൽ സൂക്ഷിക്കാൻ നിരവധി ചിത്രങ്ങൾ സമ്മാനിച്ച ജോഡിയാണ് മമ്മൂട്ടി – സുഹാസിനി. പ്രണയ ചിത്രങ്ങളിലൂടെ മലയാളികളുടെ മനസ്സ് കവർന്നെടുത്ത ജോഡികൾ. നിരവധി നടിമാരുടെ കൂടെ മമ്മൂക്ക അഭിനയിച്ചിരുന്നെങ്കിലും പ്രേക്ഷകർ മനസ്സിൽ താലോലിക്കുന്നത് ഈ ജോഡിയെ തന്നെയാണ്.

കഥ ഇതുവരെ, കൂടെവിടെ, എന്റെ ഉപാസന, പ്രാണം, രാക്കുയിലിൻ രാഗസദസ്സിൽ, ആദാമിന്റെ വാരിയെല്ല്, അക്ഷരങ്ങൾ, പ്രണാമം, മണിവത്തൂരിലെ ആയിരം ശിവരാത്രികൾ എന്നീ സിനിമകൾ മലയാളികൾക്ക് സമ്മാനിച്ച ഫീൽ പറഞ്ഞറിയിക്കാൻ കഴിയില്ല. ഓരോ സീനിലും പ്രേക്ഷകരുടെ മനസ്സിലേക്ക് ഈ കൂട്ടുകെട്ട് ആഴ്‌ന്നിറങ്ങുക തന്നെയായിരുന്നു.

ഇവർ വീണ്ടും ഒന്നിക്കുന്നു എന്ന വാർത്ത നിരന്തരം വന്നുകൊണ്ടിരുന്നെങ്കിലും ഇതുവരെയായി അതിൽ ഒരു സ്ഥിരീകരണം ഉണ്ടായിട്ടില്ല. ഈ ജോഡി വീണ്ടും ബിഗ് സ്‌ക്രീനിൽ തിളങ്ങുന്നത് കാണാനായി ആരാധകർ നിരവധിയുണ്ട്. പ്രണാമത്തിലെ പ്രതാപനും ഉഷയുമായും അക്ഷരങ്ങളിലെ ജയദേവനും ഭാരതിയുമായും ഇവർ വീണ്ടും എത്തുന്നതിനായി കാത്തിരിക്കാം നമുക്ക്.

Mammootty Suhasini joins again