ഓരോ പെണ്ണിനും പറയാനുണ്ടാകും….വെയില്‍ മായും നേരം..

ഓരോ പെണ്ണിനും പറയാനുണ്ടാകും….വെയില്‍ മായും നേരം..

വെയില്‍മായും നേരം… ഉദയാസ്തമയങ്ങള്‍ നമ്മുടെ ദൈനംദിന ജീവിതത്തെ നിര്‍ണ്ണയിക്കുന്നതു പോല വെയില്‍ മായുന്ന നേരത്ത് നമ്മെ തേടിയെത്തുന്ന ചില ജീവിതയാഥാര്‍ത്ഥ്യങ്ങള്‍. ഈ ഹ്രസ്വചിത്രം അത്തരത്തിലുള്ള ഒന്നാണ്. കാണുന്ന മാത്രയില്‍ മനസ്സ് തൊടുന്ന ഒരനുഭവം. അവളുടെ വികാരവായ്പുകള്‍, വേദനകള്‍ എല്ലാം ഒരു തുരുത്തില്‍ അകപ്പെട്ടു പോകേണ്ടതല്ല. പങ്കുവെയ്ക്കപ്പെടണം.

ഇന്നത്തെ സമൂഹത്തില്‍ സ്ത്രീകള്‍ നേരിടുന്ന ഒരു വിഷമസന്ധിയെയാണ് ഈ ഷോര്‍ട്ട് ഫിലിമില്‍ അനാവരണം ചെയ്യുന്നത്. ഇദയ പ്രൊഡക്ഷന്‍സിന്റെ ബാനറില്‍ ശരത് കുമാറാണ് ഈ ഹ്രസ്വചിത്രം സംവിധാനം ചെയ്തിരിക്കുന്നത്. ജയന്‍ രാജന്‍, ജാസ്മിന്‍ ഹണി, സജിത സന്ദീപ്, സുദീപ് ടി. ജോര്‍ജ് എന്നിവരാണ് അഭിനേതാക്കള്‍. ആര്‍.രാംദാസാണ് ചിത്രത്തിന്റെ കഥയും തിരക്കഥയും നിര്‍വ്വഹിച്ചിരിക്കുന്നത്. അക്ഷയ് ഇ.എന്‍ ആണ് ഛായാഗ്രഹണം. ഷേഖ് ഇലാഹിയാണ് സംഗീതസംവിധാനം നിര്‍വ്വഹിച്ചിരിക്കുന്നത്. എഡിറ്റിങ്-നിംസ്, ക്രിയേറ്റീവ് ഡയറക്ടര്‍- വിനീത് ഇ.വി.

veyil maayum neram short film