അക്ഷയ് കുമാറിന് കോവിഡ്; ആനന്ദ് അംബാനി-രാധിക മെർച്ചന്റ് വിവാഹത്തിൽ പങ്കെടുക്കില്ല

മാസ​ങ്ങളോളം നീണ്ട ആഘോഷങ്ങൾക്കൊടുവിൽ മുകേഷ് അംബാനിയുടേയും നിത അംബാനിയുടേയും ഇളയമകൻ ആനന്ദ് അംബാനിയും രാധിക മെർച്ചന്റും ഇന്ന് വിവാഹിതരാവുകയാണ്. സം​ഗീത്, ഹൽദി തുടങ്ങി ആർഭാടമായ പ്രീവെഡ്ഡിങ് ആഘോഷങ്ങൾക്കാണ് കഴിഞ്ഞ കുറച്ചു മാസങ്ങളായി സാക്ഷ്യം വഹിച്ചത്. ഇ​ന്ത്യ ക​ണ്ട ഏ​റ്റ​വും വ​ലി​യ വി​വാ​ഹാ​ഘോ​ഷ​ങ്ങളാണ് നടന്നത്.

നിരവധി താരങ്ങളും രാഷ്ട്രീയ പ്രമുഖരുമുൾപ്പെടെ പങ്കെടുത്ത വമ്പൻ ചടങ്ങിൽ ബോളിവുഡ് നടൻ അക്ഷയ് കുമാർ പ​ങ്കെടുക്കില്ലെന്നാണ് വിവരം. താരത്തിന് കോവിഡ് സ്ഥിരീകരിച്ചുവെന്നാണ് പുറത്ത് വരുന്ന വിവരം. അക്ഷയ് കുമാറിന്റെ പുതിയ ചിത്രമായ സാർഫിറയുടെ പ്രൊഡക്ഷൻ കമ്പനിയാണ് താരത്തിന് കോവിഡ് സ്ഥിരീകരിച്ചുവെന്ന് അറിയിച്ചിരിക്കുന്നത്.

സിനിമയുടെ അവസാനഘട്ട പ്രചാരണ പരിപാടികളിലും അക്ഷയ് കുമാർ പ​ങ്കെടുക്കില്ലെന്നും വിവരമുണ്ട്. സുരറൈ പോട്രുവിന്റെ ഹിന്ദി റീമേക്കായ സാർഫിറയുടെ പ്രചാരണപരിപാടികളിൽ പ​ങ്കെടുക്കുന്നതിനിടെയാണ് അക്ഷയ് കുമാറിന് ശാരീരികാസ്വാസ്ഥ്യമുണ്ടായത്. തുടർന്ന് നടത്തിയ പരിശോധനയിൽ കോവിഡ് സ്ഥിരീകരിക്കുകയായിരുന്നു.

വെള്ളിയാഴ്ച രാവിലെയാണ് താരത്തിന് രോഗബാധ സ്ഥിരീകരിച്ചത്. സിനിമയുടെ തുടർന്നുള്ള പ്രചാരണപരിപാടികളിലും ആനന്ദ് അംബാനിയുടെ വിവാഹചടങ്ങിലും അക്ഷയ് കുമാർ പ​ങ്കെടുക്കില്ല. ആനന്ദിന്റെ വിവാഹ ചടങ്ങിൽ പ​ങ്കെടുക്കാൻ സാധിക്കാത്തത് ദുഃഖകരമാണെങ്കിലും ഉത്തരവാദിത്തപ്പെട്ട പൗരനെന്ന നിലയിൽ കോവിഡ് സ്ഥിരീകരിച്ചയുടൻ അക്ഷയ് ഐസോലേഷനിലേക്ക് പോവുകയായിരുന്നുവെന്നും പ്രൊഡക്ഷൻ കമ്പനി അറിയിച്ചു.

ഇന്ന് മും​ബൈ ബാ​​ന്ദ്ര കു​ർ​ള​യി​ലെ ജി​യോ വേ​ൾ​ഡ് ക​ൺ​വെ​ൻ​ഷ​ൻ സെ​ന്റ​റി​ലാ​ണ് ‘ശു​ഭ വി​വാ​ഹം’ ന​ട​ക്കു​ക. നാ​ളെ ന​ട​ക്കു​ന്ന ‘ശു​ഭ ആ​ശീ​ർ​വാ​ദി’​ൽ അ​തി​ഥി​ക​ൾ പ​​ങ്കെ​ടു​ക്കും. 14നാ​ണ് ‘മം​ഗ​ൾ ഉ​ത്സ​വ്’ മ​ഹാ​വി​രു​ന്ന്. അം​ബാ​നി​മാ​രു​ടെ സ്വ​ന്തം നാ​ടാ​യ ജാം​ന​ഗ​റി​ൽ നാ​ലു മാ​സം മു​മ്പാ​ണ് പ്രീ​വെ​ഡി​ങ് ആഘോ​ഷം ന​ട​ന്ന​ത്. മാ​ർ​ക്ക് സു​ക്ക​ർ​ബ​ർ​ഗ് അ​ട​ക്കം വി.​വി.​ഐ.​പി​ക​ൾ പ​​ങ്കെ​ടു​ത്തിരുന്നു.

ജൂ​ണി​ൽ അ​തി​ഥി​ക​ളെ​യെ​ല്ലാം ക്രൂ​സ് ഷി​പ്പി​ൽ കൊ​ണ്ടു​പോ​യി ക​ട​ലി​ലാ​യി​രു​ന്നു അ​ടു​ത്ത ഘ​ട്ട​ത്തി​ലെ വി​വാ​ഹാ​ഘോ​ഷം. റോം, ​കാ​ൻ തു​ട​ങ്ങി​യ തീ​ര​ങ്ങ​​​ളി​ലൂ​ടെ സ​ഞ്ച​രി​ച്ച ആ​ഡം​ബ​ര​ക്ക​പ്പ​ൽ താ​ര​സ​മ്പ​ന്ന​മാ​യി​രു​ന്നു.

നാലായിരം മുതൽ അയ്യായിരം കോടിയാണ് ആനന്ദ്-രാധിക വിവാഹച്ചെലവെന്ന് ഔട്ട്ലുക്കിലെ റിപ്പോർട്ടിൽ പറയുന്നു. അംബാനി കുടുംബത്തിന്റെ ആസ്തിയുടെ 0.05 ശതമാനം മാത്രമേ ഇത് വരൂവെന്നുമാണ് കണക്കുകൾ.

ആനന്ദിനേയും രാധികയേയും ആശീ​ർവദിക്കാൻ താരരോലത്തെ നിരവധിപേരാണെത്തുന്നത്. കിം കർദാഷിയാൻ, ക്ലോയി കർദാഷിയാൻ, ഷാരൂഖ് ഖാൻ, പ്രിയങ്ക ചോപ്ര, നിക്ക് ജോനാസ്, രാം ചരൺ, മുൻ യു.കെ. പ്രധാനമന്ത്രി ബോറിസ് ജോൺസൺ, സാംസങ് സി.ഇ.ഒ. ഹാങ് ജോങ് ഹീ തുടങ്ങി രാഷ്ട്രീയ, വ്യവസായ, സിനിമാരം​ഗത്തു നിന്നുള്ള നിരവധിപേർ ഇതിനകം മുംബൈയിൽ എത്തിച്ചേർന്നിട്ടുണ്ട്.

മൂന്നുദിവസം നീണ്ടുനിൽക്കുന്ന വിവാഹചടങ്ങുകൾക്കാണ് ഒരുക്കമായിരിക്കുന്നത്. കിം കർദാഷിയാന്റെയും ക്ലോയിയുടെയും ഇന്ത്യയിലേക്കുള്ള ആദ്യവരവാണിത്. സൗത് മുംബൈയിലെ ഹോട്ടലിൽ വന്നയുടൻ ഇരുവരെയും പരമ്പരാ​ഗത രീതിയിൽ സ്വാ​ഗതം ചെയ്യുന്ന ദൃശ്യങ്ങളും പുറത്തുവന്നിരുന്നു.