തന്റെ ആദ്യ പാന്‍ ഇന്ത്യന്‍ ചിത്രം, എല്ലാവരുടെയും പ്രാര്‍ത്ഥനയും പിന്തുണയും; ‘ജയ് ശ്രീറാം’ പോസ്റ്റര്‍ പങ്കുവെച്ച് വിജി തമ്പി

നീണ്ട ഇടവേളയ്ക്ക് ശേഷം സംവിധായകനാകാനൊരുങ്ങി വിജി തമ്പി. പുതിയ ചിത്രം സംവിധായകന്‍ പ്രഖ്യാപിച്ചു. ‘ജയ് ശ്രീറാം’ എന്ന് പേരിട്ടിരിക്കുന്ന ചിത്രത്തിന്റെ കോണ്‍സെപ്റ്റ് പോസ്റ്ററും അണിയറ പ്രവര്‍ത്തകര്‍ പുറത്തിറക്കി. തന്റെ ആദ്യ പാന്‍ ഇന്ത്യന്‍ ചിത്രമായിരിക്കും ‘ജയ് ശ്രീറാം’ എന്നും എല്ലാവരുടെയും പ്രാര്‍ത്ഥനയും പിന്തുണയും വേണമെന്നും വി.ജി തമ്പി പറഞ്ഞു.

ദൃശ്യ സൈന്‍ അവതരിപ്പിക്കുന്ന ചിത്രം നിര്‍മ്മിക്കുന്നത് പ്രദീപ് നായരും രവി മേനോനും ചേര്‍ന്നാണ്. വിഷ്ണു വരദനാണ് സിനിമയുടെ തിരക്കഥാകൃത്ത്.

കുമ്മനം രാജശേഖരന്‍, ശ്രീജിത്ത് പണിക്കര്‍ തുടങ്ങി നിരവധി പേര്‍ ചിത്രത്തിന്റെ കോണ്‍സെപ്റ്റ് പോസ്റ്റര്‍ സമൂഹമാദ്ധ്യമങ്ങളില്‍ പങ്കുവെച്ചുകൊണ്ട് ആശംസകള്‍ നേര്‍ന്നു. സിനിമയുടെ മറ്റ് വിശേഷങ്ങള്‍ പിന്നാലെ വരുമെന്നാണ് അണിയറ പ്രവര്‍ത്തകര്‍ അറിയിക്കുന്നത്.