ഫസ്റ്റ് ക്ലാപ്പ് അന്താരാഷ്ട്ര ചലച്ചിത്രോത്സവം സമാപിച്ചു

ഫസ്റ്റ് ക്ലാപ്പ് ഫിലിം സൊസൈറ്റി സംഘടിപ്പിച്ച ഫസ്റ്റ് ക്ലാപ്പ് അന്താരാഷ്ട്ര ചലച്ചിത്രോത്സവം സമാപിച്ചു. കോഴിക്കോട് ശ്രീ തിയേറ്ററില്‍ നടത്തിയ ചടങ്ങില്‍ സിനിമാ മേഖലയ്ക്ക് നല്‍കിയ സമഗ്രസംഭാവനയ്ക്കുള്ള, ഫസ്റ്റ് ക്ലാപ്പ് ഫിലിം സൊസൈറ്റിയുടെ ലൈഫ് ടൈം അച്ചീവ്‌മെന്റ് അവാര്‍ഡ് പത്മശ്രീ കൈതപ്രം ദാമോദരന്‍ നമ്പൂതിരി ഏറ്റുവാങ്ങി

സംവിധായകന്‍ ഷാജൂണ്‍ കാര്യാല്‍ ചടങ്ങില്‍ അദ്ധ്യക്ഷനായി. ഫസ്റ്റ് ക്ലാപ്പ് പ്രസിഡന്റ് ഷാജി മുകുന്ദ്, തിരക്കഥാകൃത്ത് ശത്രുഘ്‌നന്‍, വേണുഗോപാല്‍, സംവിധായകന്‍ പി. പ്രേംചന്ദ്, കമാല്‍ വരദൂര്‍, സിദ്ധാര്‍ത്ഥ് എന്നിവര്‍ സംസാരിച്ചു.

തുടര്‍ന്ന് ചലച്ചിത്രമേളയോടനുബന്ധിച്ച് സംഘടിപ്പിച്ച ഷോര്‍ട്ട് ഫിലിം മത്സരത്തിന്റെ ഫലപ്രഖ്യാപനവും നടത്തി. നാല് വിഭാഗങ്ങളിലായി ‘സൈലന്റ് ബാറ്റില്‍സ്’, ‘നാരായം’ എന്നീ ഡോക്യുമെന്ററികളും ‘അടര്‍’, ‘ഹേ ഗൂഗ്ലി’ എന്നീ ഷോര്‍ട്ട് ഫിലിമുകളും പുരസ്‌കാരങ്ങള്‍ നേടി.