എന്റെ വാക്ക് ഒന്ന് ശ്രദ്ധിക്കുക പോലും ചെയ്യാത്ത ആളുകളുണ്ടായിരുന്നു. ഇന്ന് അങ്ങനെ അല്ല ; ദുല്‍ഖര്‍ സല്‍മാന്‍

മലയാളത്തിന്‍റെ മഹാനടൻ മമ്മൂട്ടി, അദ്ദേഹത്തിന്‍റെ പാത പിന്തുടർന്ന് മകൻ ദുൽഖർ സൽമാൻ. ഏറെ ആഘോഷിക്കപ്പെടുന്ന സിനിമാ കുടുംബമാണ് മമ്മൂട്ടിയുടേത്. പ്രായത്തെ തോൽപ്പിക്കുന്ന കഥാപാത്രങ്ങളുമായി മമ്മൂട്ടിക്ക് മലയാളി സിനിമയിൽ ഇന്നും മുൻനിരയിലാണ് സ്ഥാനം. മകൻ ദുൽഖർ സൽമാനും ശ്രദ്ധേയമായ കഥാപാത്രങ്ങളുമായി താരപദവി ഉറപ്പിക്കുന്നു.

കിങ് ഓഫ് കൊത്ത എന്ന സിനിമയുടെ പ്രമോഷന്‍ തിരക്കുകളിലാണ് ഇപ്പോള്‍ ദുല്‍ഖര്‍ സല്‍മാന്‍. മലയാളത്തിലും തെലുങ്കിലും തമിഴിലും ഹിന്ദിയിലുമായി റിലീസ് ചെയ്യുന്ന ചിത്രത്തിന് എല്ലാ ഭാഷയിലും പ്രമോഷന്‍ അഭിമുഖങ്ങളും നല്‍കുന്നുണ്ട്. അങ്ങനെ ഒരു അഭിമുഖത്തില്‍ സംസാരിക്കവെ കരിയറിന്റെ തുടക്കത്തില്‍ നേരിട്ട അവഗണനയെ കുറിച്ച് ദുല്‍ഖര്‍ സല്‍മാന്‍ സംസാരിക്കുകയുണ്ടായി.

അന്ന് വേണ്ട എന്നു പറഞ്ഞവരും കളിയാക്കിയവരും ഇന്ന് എന്റെ ഡേറ്റിന് വേണ്ടി നടക്കുന്നു എന്ന തരത്തില്‍ ദുല്‍ഖര്‍ നേരത്തെ സംസാരിച്ചിരുന്നല്ലോ. അങ്ങനെ ആരോടെങ്കിലുമുള്ള പ്രതികാരമാണോ ഇങ്ങനെ ഒരു ഗ്യാങ്സ്റ്റര്‍ സിനിമ എന്നായിരുന്നു അവതാരകന്റെ ചോദ്യം. പക്ഷെ അങ്ങനെ പ്രതികാരമൊന്നും അല്ല, പക്ഷെ വീണ്ടെടുപ്പായി തനിക്ക് തോന്നിയിട്ടുണ്ട് എന്ന് ദുല്‍ഖര്‍ പറയുന്നു.

ഞാന്‍ സ്ട്രഗിള്‍ ചെയ്യുന്ന തുടക്ക കാലത്തൊക്കെ എനിക്ക് ഒരു വിലയും തരാതെ, എന്റെ വാക്ക് ഒന്ന് ശ്രദ്ധിക്കുക പോലും ചെയ്യാത്ത ആളുകളുണ്ടായിരുന്നു. എന്തെങ്കിലും സജഷന്‍സ് പറഞ്ഞാല്‍ മൈന്റ് ചെയ്യുക പോലും ഉണ്ടായിരുന്നില്ല. പക്ഷെ ഇപ്പോള്‍ വന്ന്, ‘നമുക്കൊരു പടം ചെയ്യണം’ എന്ന് ഇങ്ങോട്ടു പറയുമ്പോള്‍, ഞാന്‍ ചിന്തിക്കാറുണ്ട്, അന്നു തോന്നാത്ത എന്ത് വാല്യു ആണ് എനിക്കിന്ന് ഉള്ളത് എന്ന്.

ഇതൊരു പ്രതികാരമല്ല, പക്ഷെ ചെറിയ രീതിയില്‍ അങ്ങനെ ചെയ്തവരോടും പറഞ്ഞവരോടുമുള്ള എന്റെ മറുപടി മാത്രമാണ് എന്നാണ് ദുല്‍ഖര്‍ പറഞ്ഞത്. ദുല്‍ഖറിനെ പോലൊരു താരത്തിനും ഇതുപോലെ ഇന്‍സള്‍ട്ട് ഒക്കെ ഉണ്ടാവുമോ എന്ന് ചോദിച്ചപ്പോള്‍, ആദ്യം നടന്‍ ഒന്നു ചിരിച്ചു. എന്നിട്ട് പറഞ്ഞു, അതൊക്കെ ഉണ്ടാവും എന്ന്.