തമാശയും ചിരിയുമായി റോയിയും ക്ലാരയുമെത്തുന്നു !!! ഇനി “മാംഗല്യം തന്തുനാനേന” ….

തമാശയും ചിരിയുമായി റോയിയും ക്ലാരയുമെത്തുന്നു !!! ഇനി “മാംഗല്യം തന്തുനാനേന” ….

കുഞ്ചാക്കോ ബോബനും നിമിഷ സജയനും കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രമാണ് മാംഗല്യം തന്തുനാനേന . വിവാഹവും അതിനോടനുബന്ധിച്ചുള്ള രസകരമായ നിമിഷങ്ങളുമാണ് ചിത്രത്തിന്റെ പ്രമേയം. രസകരമായ നിമിഷങ്ങൾ കോർത്തിണക്കി സൗമ്യ സദാനന്ദൻ ഒരുക്കുന്ന മാംഗല്യം തന്തുനാനേന , സെപ്റ്റംബർ 20 നാണു റിലീസ് ചെയ്യുന്നത്.
ചിത്രത്തിലെ ഫിഫ്ത് ലുക്ക് പോസ്റ്ററും പുറത്തിറങ്ങി.

റോയ് , ക്ലാര എന്ന കഥാപാത്രങ്ങളായാണ് കുഞ്ചാക്കോ ബോബനും നിമിഷയും എത്തുന്നത്. വ്യത്യസ്ത സ്വഭാവക്കാരായ ഇരുവരും വിവാഹം കഴിക്കുന്നതും പെട്ടെന്നുണ്ടായ സാമ്പത്തിക പ്രതിസന്ധിയുമൊക്കെ സിനിമയിൽ രസകരമായി ആവിഷ്കരിച്ചിരിക്കുന്നു. കുട്ടനാടൻ മാർപാപ്പയ്ക്ക് ശേഷം ശാന്തി കൃഷ്ണ കുഞ്ചാക്കോ ബോബന്റെ ‘അമ്മ വേഷത്തിൽ വീണ്ടുമെത്തുകയാണ്, മാംഗല്യം തന്തുനാനേനയിലൂടെ .

ഇവർക്ക് പുറമെ അലൻസിയർ , വിജയ രാഘവൻ , കോമഡിയുമായി ഹരീഷ് കണാരൻ , ലിയോണ ലിഷോയ്, ചെമ്പിൽ അശോകൻ , കൊച്ചുപ്രേമൻ, മോളി തുടങ്ങിയവരും അണിനിരക്കുന്നു. UGM എന്റെർറ്റൈന്മെന്റിന്റെ ബാനറിലാണ് ചിത്രം നിർമിച്ചിരിക്കുന്നത്. പ്രേക്ഷകരെ പൊട്ടിച്ചിരിപ്പിച്ചെ തിയേറ്റർ വിടു എന്ന ഉറപ്പ് പോസ്റ്ററുകളിലൂടെ മാംഗല്യം തന്തുനാനേന നൽകുന്നുണ്ട്.

mangalalyam thandu nanena movie release date