ഓരോ കുഴപ്പക്കാരനും കുറ്റകൃത്യത്തിൽ ഒരു പങ്കാളിയെ വേണം; വീണ്ടും അമ്മയാകുന്നു; സന്തോഷം പങ്കിട്ട് ശ്രീലക്ഷ്മി ശ്രീകുമാര്‍

നടിയും ജഗതി ശ്രീകുമാറിന്റെ മകളുമായ ശ്രീലക്ഷ്മി ശ്രീകുമാര്‍ വീണ്ടും അമ്മയാകുന്നു. സോഷ്യൽ മീഡിയ പോസ്റ്റിലൂടെയാണ് വീണ്ടും അമ്മയാകാൻ പോകുന്ന സന്തോഷം ശ്രീ പങ്കിട്ടത്. നിറവയറിലുള്ള വിഡിയോ ആണ് താരം മീഡിയയിലൂടെ പങ്കുവച്ചത്

‘ഓരോ കുഴപ്പക്കാരനും കുറ്റകൃത്യത്തിൽ ഒരു പങ്കാളിയെ വേണം’, എന്ന കുറിപ്പോടെയാണ് ശ്രീലക്ഷ്മി ജീവിതത്തിലെ പുതിയ സന്തോഷം പങ്കുവച്ചത്. നിറവയറിൽ ഭർത്താവിനും മകനും ഒപ്പമിരിക്കുന്ന വിഡിയോ ആണ് പങ്കിട്ടത്. നിരവധി പേരാണ് ഇരുവർക്കും ആശംസകളറിയിച്ചെത്തുന്നത്. അടുത്തിടെയാണ് മൂത്തമകന് ഒരു വയസ്സ് തികഞ്ഞ സന്തോഷം ശ്രീലക്ഷ്മി പങ്കുവച്ചത്.

ജഗതിയുടെ മകള്‍ എന്ന ലേബലില്‍ ശ്രദ്ധിയ്ക്കപ്പെട്ട താരം പിന്നീട് ചില സിനിമകളിലും അഭിനയിച്ചു. ബിഗ്ഗ് ബോസ് സീസണ്‍ 3 യിലെ മത്സരാര്‍ത്ഥിയുമായിരുന്നു ശ്രീലക്ഷ്മി. അഞ്ചുവർഷത്തെ പ്രണയത്തിനൊടുവില്‍ 2019 ല്‍ ആണ് ശ്രീലക്ഷ്മിയും ജിജിന്‍ ജഹാംഗീറും തമ്മിലുള്ള വിവാഹം നടന്നത്.