‘ആക്ഷന്‍ ഹീറോ ബിജു വിന്റെ ‘ പ്രീ പ്രൊഡക്ഷന്‍ ആരംഭിക്കുന്നു; റിപ്പോർട്ടുകൾ ഇങ്ങനെ

ആക്ഷന്‍ ഹീറോ ബിജുവിന്റെ രണ്ടാം ഭാഗത്തിന്റെ പ്രീ പ്രൊഡക്ഷന്‍ വര്‍ക്കുകള്‍ ആരംഭിക്കുന്നുവെന്ന് റിപ്പോർട്ടുകൾ.

കഴിഞ്ഞ വര്‍ഷം പുറത്തിറങ്ങിയ ‘മഹാവീര്യര്‍’ എന്ന സിനിമയുടെ റിലീസ് പ്രഖ്യാപിക്കുന്നതിനിടെയാണ് ആക്ഷന്‍ ഹീറോ ബിജുവിന്റെ രണ്ടാം ഭാഗത്തെ കുറിച്ചും എബ്രിഡ് ഷൈന്‍ പറഞ്ഞത്. നിവിന്‍ പോളിയുടെ ഉടമസ്ഥതയിലുള്ള പോളി ജൂനിയര്‍ പിക്‌ചേഴ്‌സ് ആണ് നിര്‍മ്മാണം. മലയാളത്തിലെ പൊലീസ് ചിത്രങ്ങള്‍ക്ക് മാറ്റം കൊണ്ടു വന്ന സിനിമയാണ് ‘ആക്ഷന്‍ ഹീറോ ബിജു’. 2016ലാണ് ചിത്രം പുറത്തിറങ്ങിയത്.

ഒരു പൊലീസ് സ്റ്റേഷനില്‍ നടക്കുന്ന വിവിധ കേസുകളാണ് ആക്ഷന്‍ ഹീറോ ബിജുവില്‍ ആവിഷ്‌കരിച്ചത്. നിവിന്‍ പോളിയും എബ്രിഡ് ഷൈനും ഒന്നിച്ച രണ്ടാമത്തെ ചിത്രമായിരുന്നു ഇത്. 2014ല്‍ പുറത്തിറങ്ങിയ ‘1983’ ആയിരുന്നു ആദ്യ ചിത്രം. അനു ഇമ്മാനുവല്‍ ആയിരുന്നു ആക്ഷന്‍ ഹീറോ ബിജുവിലെ നായിക.

ജോജു ജോര്‍ജ്, കലാഭവന്‍ പ്രചോദ്, അരിസ്റ്റോ സുരേഷ്, രോഹിണി, മേഘനാഥന്‍, വിന്ദുജ മേനോന്‍, റോണി ഡേവിഡ്, സോഹന്‍ സീനുലാല്‍, അലക്‌സാണ്ടര്‍ പ്രസാദ് എന്നിവരും സിനിമയില്‍ പ്രധാന കഥാപാത്രങ്ങളായി എത്തിയിരുന്നു.