അസോസിയേറ്റ് ഡയറക്ടര്‍ ശ്രീശോഭ് നായര്‍ അന്തരിച്ചു

മലയാള സിനിമയില്‍ അസോസിയേറ്റ് ഡയറക്ടറായി പ്രവര്‍ത്തിച്ചിരുന്ന ശ്രീശോഭ് നായര്‍ അന്തരിച്ചു. 39 വയസായിരുന്നു.

ബെന്നി ആശംസ സംവിധാനം ചെയ്ത ഏല്യാമ്മച്ചിയുടെ ആദ്യത്തെ ക്രിസ്തുമസ്സ്, ഉത്തര ചെമ്മീന്‍, നിപ്പ എന്നീ സിനിമകളിലും സെന്നന്‍ പള്ളാശ്ശേരി സംവിധാനം ചെയ്ത പറങ്കിമലയിലും സഹസംവിധായകനായി പ്രവര്‍ത്തിച്ചിട്ടുണ്ട്.

വയനാട് കുമ്പളക്കാട് സ്വദേശിയാണ്. അവിവാഹിതനായിരുന്നു. ഫെഫ്ക ഡയറക്‌ടേഴ്‌സ് യൂണിയന്‍ ഉള്‍പ്പടെ സിനിമയിലെ പ്രമുഖര്‍ ആദരാഞ്ജലി അര്‍പ്പിച്ചു.