ലുലുവില്‍ ഒരു ഫംഗ്ഷന്‍ ചെയ്തതിന്റെ ചിത്രങ്ങളും വീഡിയോകളുമൊക്കെ വൈറലായിരുന്നു. അതിന് ശേഷമാണ് ഉദ്ഘാടനങ്ങള്‍ കൂടിയത്, ഉദ്ഘാടനത്തിന് ഭയങ്കര പോസിറ്റീവ് വൈബാണ്; തുറന്ന് പറഞ്ഞ് ഹണി റോസ്

മലയാള സിനിമയില്‍ ഇപ്പോള്‍ ഉള്ളതില്‍ മുന്‍നിര നായികമാരില്‍ ഒരാളാണ് ഹണി റോസ്. സിനിമ തിരക്കുകളോടൊപ്പം തന്നെ ഹണി റോസിന്റെ ഉദ്ഘാടനങ്ങളും സോഷ്യല്‍ മീഡിയയില്‍ ചര്‍ച്ചയായി മാറാറുണ്ട്.

ഈ വര്‍ഷത്തെ മികച്ച ഉദ്ഘാടക’ എന്ന ട്രോളുകള്‍ പങ്കുവച്ച് ഹണി റോസ് കഴിഞ്ഞ ദിവസം രംഗത്തെത്തിയിരുന്നു. ഈ വര്‍ഷം ഹണി റോസ് ചെയ്ത ഉദ്ഘാടനങ്ങളുടെ വീഡിയോകളും ചിത്രങ്ങളും സോഷ്യല്‍ മീഡിയയില്‍ വൈറലാണ്. ഇതോടെയാണ് താരത്തിനെതിരെ ട്രോളുകള്‍ ഉയര്‍ന്നത്.

സിനിമയേക്കാള്‍ കൂടുതലായി ഉദ്ഘാടനങ്ങള്‍ ചെയ്യാന്‍ തുടങ്ങിയതിന്റെ കാരണമാണ് ഹണി ഇപ്പോള്‍ തുറന്നു പറഞ്ഞിരിക്കുന്നത്. ഒരു പരിപാടി വൈറലായതോടെ തനിക്ക് കുറെ ഉദ്ഘാടനങ്ങള്‍ വരികയായിരുന്നു എന്നാണ് ഹണി പറയുന്നത്.

കുറെ സിനിമകള്‍ ചെയ്യുമ്പോള്‍ നമ്മള്‍ വരുന്നുവെന്ന് പറയുമ്പോള്‍ കാണാന്‍ ആളുകള്‍ക്കൊക്കെ ഇഷ്ടമാണ്. പക്ഷെ കുറെ നാള്‍ അനക്കമില്ലാതെ, ഫോട്ടോകള്‍ ഒന്നും ഇടാതെ ഇരുന്ന ശേഷം ചെല്ലുമ്പോള്‍ ആള്‍ക്കൂട്ടം കുറവായിരിക്കും. താനിപ്പോള്‍ പതിനേഴ് വര്‍ഷമായില്ലേ.

സിനിമ ചെയ്യുന്ന സമയം തൊട്ട് തന്നെ ഉദ്ഘാടനങ്ങളും തന്റെ കൂടെ തന്നെയുണ്ട്. അന്ന് പക്ഷെ സോഷ്യല്‍ മീഡിയ ഒന്നുമില്ലല്ലോ. ലുലുവില്‍ ഒരു ഫംഗ്ഷന്‍ ചെയ്തതിന്റെ ചിത്രങ്ങളും വീഡിയോകളുമൊക്കെ വൈറലായിരുന്നു. അതിന് ശേഷമാണ് ഉദ്ഘാടനങ്ങള്‍ കൂടിയത് എന്നാണ് ഒരു അഭിമുഖത്തില്‍ ഹണി റോസ് പറയുന്നത്.

ഒരു ഉദ്ഘാടനത്തിന് എത്ര രൂപയാണെന്ന അവതാരകയുടെ ചോദ്യത്തിന് ചിരിച്ചു കൊണ്ട് വലിയ കുഴപ്പമില്ലാതെ, ബുദ്ധിമുട്ടൊന്നുമില്ലാതെ ജീവിച്ചു പോവുകയാണ് എന്നായിരുന്നു താരത്തിന്റെ മറുപടി. ഉദ്ഘാടനത്തിന് ഭയങ്കര പോസിറ്റീവ് വൈബാണെന്നാണ് ഹണി റോസ് പറയുന്നത്.ഒരുപാട് സന്തോഷിക്കുന്ന മുഖങ്ങളായിരിക്കും ചുറ്റുമെന്നും ഹണി റോസ് വ്യക്തമാക്കി.

അതേസമയം, ‘മോണ്‍സ്റ്റര്‍’ ആണ് ഹണിയുടെതായി ഒടുവില്‍ തിയേറ്ററുകളില്‍ എത്തിയ ചിത്രം. സിനിമ ഫ്‌ളോപ്പ് ആയിരുന്നുവെങ്കിലും സ്വവര്‍ഗാനുരാഗിയായി എത്തിയ ഹണിയുടെ കഥാപാത്രം ശ്രദ്ധിക്കപ്പെട്ടിരുന്നു.