കോഴിക്കോട് ഹൈലൈറ്റ് മാളില്‍ വെച്ച് ലൈംഗികാതിക്രമം നേരിട്ടുവെന്ന യുവ നടിമാരുടെ പരാതിയില്‍ പോലീസ് നടപടിക്ക് ഒരുങ്ങുന്നു. നടിമാരുടെ മൊഴിയെടുക്കാന്‍ ഒരുങ്ങുകയാണ് പോലീസ്. സംഭവത്തില്‍ നിര്‍മാതാവ് പരാതി നല്‍കിയിട്ടുണ്ട്. സിനിമ പ്രമോഷൻ കഴിഞ്ഞു മടങ്ങുന്നതിനിടയിൽ യുവനടിമാർക്കു നേരെ ലൈംഗികാതിക്രമം നടന്നത് . യുവ നടിമാരുടെ മൊഴി എടുക്കാന്‍ വനിത പോലീസ് കണ്ണൂരിലേക്കും എറണാകുളത്തേക്കും പോയിട്ടുണ്ട്. കേസ് രജിസ്റ്റര്‍ ചെയ്യുന്നത് വിശദമായ മൊഴി എടുത്ത ശേഷമാകും.
പന്തീരാങ്കാവ് പോലീസിന് സിനിമയുടെ നിര്‍മാതാക്കള്‍ ഇമെയില്‍ വഴി പരാതി അയച്ചതിനെ തുടര്‍ന്നാണ് നടപടി ഉണ്ടായിരിക്കുന്നത്. ചൊവ്വാഴ്ച്ച വൈകീട്ടായിരുന്നു സംഭവം. തന്നെ കയറിപിടിക്കാന്‍ ശ്രമിച്ചയാളെ യുവനടി തല്ലുന്ന ദൃശ്യങ്ങളും പുറത്തുവന്നിരുന്നു.
നടിമാരില്‍ ഒരാള്‍ കണ്ണൂരും മറ്റേയാള്‍ എറണാകുളത്തുമാണ്. അതാണ് പോലീസ് ഈ രണ്ടിടത്തേക്കും മൊഴി എടുക്കാനായി പോകുന്നത്. മാളിലെ സിസിടിവി ദൃശ്യങ്ങളും പോലീസ് പരിശോധിക്കുന്നുണ്ട്. സിനിമയിലെ പ്രധാന താരങ്ങളെല്ലാവരും വരുന്നത് കൊണ്ട് നല്ല തിരക്കായിരുന്നു ഈ സമയം മാളിലുണ്ടായിരുന്നത്.
പ്രചാരണ പരിപാടി കഴിഞ്ഞ് തിരിച്ചിറങ്ങുന്ന സമയത്താണ് രണ്ട് നടിമാര്‍ക്കും ആള്‍ക്കൂട്ടത്തില്‍ നിന്ന് മോശം അനുഭവമുണ്ടായത്. രണ്ടാമത്തെ നടി കഴിഞ്ഞ ദിവസം സംഭവത്തെ കുറിച്ച് ഫേസ്ബുക്കില്‍ അനുഭവം പങ്കുവെച്ചിരുന്നു. ഇതേ തുടര്‍ന്നാണ് എല്ലാവരും അറിഞ്ഞത്. അതിക്രമം നടത്തിയവരെ തിരിച്ചറിയാനുള്ള ശ്രമങ്ങളും പോലീസ് ആരംഭിച്ചിട്ടുണ്ട്.
ഇവരെ വേഗത്തില്‍ തിരിച്ചറിഞ്ഞ് അറസ്റ്റ് ചെയ്യാനാണ് പോലീസ് നീക്കം. മാളിലെ ജീവനക്കാരെ അടക്കം ചോദ്യം ചെയ്യും. സാറ്റര്‍ഡേ നൈറ്റ് എന്ന പുതിയ ചിത്രത്തിന്റെ പ്രമോഷന്റെ ഭാഗമായിട്ടാണ് നടിമാര്‍ കോഴിക്കോട് ഹൈലൈറ്റ് മാളിലെത്തിയത്.
രാത്രി ഒന്‍പത് മണിയോടെ പരിപാടി അവസാനിച്ച് സംഘം തിരിച്ച് പോകുന്നതിനിടയിലാണ് ആള്‍ക്കൂട്ടത്തില്‍ നിന്ന യുവാവ് കയറിപ്പിടിച്ചത്. ആരാധകരുടെ കണ്ണുവെട്ടിച്ച് മാളിന്റെ പിന്‍വശത്തുള്ള ലിഫ്റ്റ് വഴി ഇറങ്ങാനായിരുന്നു പോലീസ് നിര്‍ദേശിച്ചത്. ഇതുവഴി പോകുന്നതിനിടയില്‍ വരാന്തയില്‍ നിന്നാണ് കൈയ്യേറ്റം ഉണ്ടായത്.
ഇവര്‍ക്കൊപ്പമുണ്ടായിരുന്ന ബൗണ്‍സേഴ്‌സ് ബലം പ്രയോഗിച്ച് ഇവിടെ നിന്ന ആരാധകരെ മാറ്റാന്‍ ശ്രമിച്ചിരുന്നു. ഇതിനിടയിലാണ് യുവനടി കൈയ്യേറ്റം ചെയ്്ത വ്യക്തിയുടെ മുഖത്തടിച്ചത്. അതേസമയം ഹൈലൈറ്റ് മാളില്‍ ഇത്തരം സിനിമാ പ്രചാരണം നടക്കാറുണ്ടെങ്കിലും അധികൃതര്‍ വിവരം അറിയിക്കാറില്ലെന്ന് പോലീസ് വ്യക്തമാക്കി
1957-58 കാലത്തെ കേരളത്തിലെ മലയോര മേഘലയിലെ കുടിയേറ്റ കർഷകരുടെ ജീവിതം പശ്ചാത്തലമാക്കി അവതരിപ്പിക്കുന്ന ചിത്രമാണ് പള്ളിച്ചട്ടമ്പി. വലിയ വിജയങ്ങൾ നേടിയ ക്വീൻ,...
വ്യത്യസ്ഥമായ നിരവധി ലൊക്കേഷനുകളിലൂടെ ഗിരീഷ് വൈക്കം സംവിധാനം ചെയ്യുന്ന ദിഡാർക്ക് വെബ്ബ് എന്ന ചിത്രത്തിൻ്റെ ചിത്രീകരണം പൂർത്തിയായിരിക്കുന്നു. കൊച്ചി, വാഗമൺ, ഒറ്റപ്പാലം,...
തെന്നിന്ത്യൻ പ്രേക്ഷകർ ഏറെ ആകാംക്ഷയോടെ കാത്തിരിക്കുന്ന ചിത്രമാണ് കാന്താര2. പലപ്പോഴും ചിത്രത്തിന്റെ ഷൂട്ടിംഗ് വേളയിൽ നടന്ന അപകടങ്ങളെ കുറിച്ച് വാർത്തകൾ പുറത്തെത്താറുണ്ട്....
അൻവർ റഷീദിന്റെ സംവിധാനത്തിൽ മോഹൻലാൽ നായകനായി എത്തിയ ചിത്രമായിരുന്നു ഛോട്ടാ മുംബൈ. 18 വർഷങ്ങൾക്ക് ശേഷം തിയേറ്ററിലെത്തിയപ്പോൾ റെക്കോർഡ് കളക്ഷനാണ് ചിത്രം...
മലയാളികളുടെ പ്രിയപ്പെട്ട നടനാണ് ഉണ്ണി മുകുന്ദൻ. അദ്ദേഹത്തിന്റേതായി പുറത്തെത്താറുള്ള വിശേഷങ്ങൾക്കെല്ലാം തന്നെ മികച്ച സ്വീകാര്യതയാണ് ലഭിക്കാറുള്ളതും. നടന്റേതായി പുറത്തെത്തി റെക്കോർഡുകൾ ഭേദിക്കുകയും...
