കാതലേ…കാതലേ…ഇങ്ങനെയും അടിപൊളിയാക്കാം; ഒരു മുറിയുടെ ഉള്ളിൽ കിടക്കയിൽ പ്രണയാര്‍ദ്രരായി പ്രിയ വാര്യരും റംസാനും; വൈറൽ ഡാൻസ് വീഡിയോ ഏറ്റെടുത്ത് ആരാധകർ!

ഡാൻസ് റിയാലിറ്റി ഷോയിലൂടെയും ബിഗ് ബോസ് ഷോയിലൂടെയും മലയാളികളുടെ ഇഷ്ടം നേടിയ താരമാണ് റംസാൻ മുഹമ്മദ്. നടനും നർത്തകനുമായി ഇതിനകം പേരെടുത്തയാളാണ് റംസാൻ. റംസാനെ പോലെ തന്നെ ഒരൊറ്റ സിനിമയിലൂടെ ശ്രദ്ധ നേടിയ നടിയാണ് പ്രിയ പ്രകാശ് വാര്യ‍ർ.

ഇരുവരും വളരെ അടുത്ത സുഹൃത്തുക്കളുമാണ്. ഇപ്പോഴിതാ തമിഴിലെ സൂപ്പർഹിറ്റ് ചിത്രം 96ലെ ‘കാതലേ കാതലേ’ എന്ന പാട്ടിനൊപ്പമുള്ള ഇരുവരുടെയും കണ്ടംപററി ഡാൻസ് സോഷ്യൽമീഡിയയിൽ വൈറലായിരിക്കുകയാണ്.

ഒരു മുറിയുടെ ഉള്ളിൽ കിടക്കയിൽ ഇരുന്നുകൊണ്ടാണ് വേറിട്ട രീതിയിലുള്ള നൃത്താവിഷ്കാരം ഇരുവരും ഒരുക്കിയിരിക്കുന്നത്. പ്രണയാർദ്രമായ നിമിഷങ്ങളാണ് ഡാൻസ് വീഡിയോയിലുള്ളത് റംസാന്‍റേയും പ്രിയയുടെയും റീൽസ് വീഡിയോ ഇൻസ്റ്റയിൽ വൈറലായിരിക്കുകയുമാണ്.

“അഡാറ് ലൗവ്’ എന്ന ചിത്രത്തിലെ ഒറ്റ കണ്ണിറുക്കലിലൂടെ ഇന്ത്യ മുഴുവൻ ശ്രദ്ധ നേടിയ പ്രിയ സിനിമാലോകത്ത് സജീവമാണ്. ബോളിവുഡിൽ ശ്രീദേവി ബംഗ്ലാവ്, ഷെയ്ൻ നിഗം നായകനായി എത്തിയ ‘ഇഷ്ക്’ സിനിമയുടെ തെലുങ്ക് റീമേക്ക്, ഒരു നാൽപതുകാരന്‍റെ 21 കാരി തുടങ്ങിയവയാണ് നടിയുടെ പുതിയ പ്രൊജക്ടുകള്‍.

റംസാനും ഇപ്പോൾ ബിഗ് സ്‌ക്രീനിൽ നിറഞ്ഞു നിൽക്കുകയാണ്. മമ്മൂട്ടി ചിത്രം ഭീഷ്മപർവത്തിലെ ‘രതിപുഷ്പം’ എന്ന പാട്ടിൽ ഷൈൻ ടോം ചാക്കോയ്ക്കൊപ്പം ചുവടുവച്ച് താരം ഏറെ ശ്രദ്ധിക്കപ്പെട്ടിരുന്നു. മുമ്പ് നടി സാനിയയോടൊപ്പവും റംസാൻ വേറിട്ട ഡാൻസ് വീഡിയോകള്‍ പങ്കുവെച്ചിട്ടുണ്ട്.

about ramsan